Vrou in voertuig doodgeskiet

Die polisie en nooddienste op die toneel. Foto: ER24

Die polisie en nooddienste op die toneel. Foto: ER24

ʼn Vrou is dood en minstens vier mense kritiek beseer nadat gewapende mans Dinsdag op ʼn bewegende voertuig op die N12-snelweg aan die Oos-Rand losgebrand het.

Chitra Bodasing Harduth, woordvoerder van ER24, het gesê ʼn minibustaxi, met veral vrouepassasiers, het in ʼn westelike rigting op die snelweg gery toe die voorval omstreeks 06:00 naby Daveyton plaasgevind het.

“Die taxi is met verskeie koeëlgate aangetref toe paramedici by die toneel opgedaag het. Paramedici van verskeie nooddienste het die mense begin ondersoek. Een vrou was reeds dood en talle beseer,” het sy gesê.

Bodasing Harduth het gesê twee mense moes met ʼn helikopter na ʼn nabygeleë hospitaal geneem word. Twee mense is per ambulans na hospitale geneem.

Die polisie is op die toneel en ondersoek die voorval en motief daarvoor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Babbelbek ·

Dit is verskriklik onskuldige vrouens wat maar net oppad werk toe is en afhanklik is van die taxi…

m ·

Wat de hel gaan in hierdie land aan? Dis erger as die wilde weste op hierdie paaie.

Donovan ·

Mense en dit alles oor Taxi geweld… n persoon gebruik jou dienste en sterf daarin, ek HOOP daardie taxi baas het publieke aanspreeklikheid op sy versekering…

Kamera ·

Dit het tyd geword dat kameras voor en agter in voertuie verpligtend gemaak word. Dus moet dit deel wees van padwaardigheid. Sodoende sal daar ‘n beter beeld wees oor wat op ons paaie gebeur asook betreffende ongelukke.
Natuurlik moet dit so wees dat die voertuig net kan beweeg met ‘n kamera wat afneem.

Truth Project ·

Ek het juis ‘n dashcam vir die doel aangekoop maar baie vinnig besef dat daar is nerens waar ek die “oortreders” kan name and shame nie.
Ek het Pat Hinde in Boksburg al menigmale gebel oor hul vervoerwa wat enige tyd, enige plek stop en mense op of aflaai. Hy ry ook graag 160km/h met die mense aanboord en wag vir ‘n soliede wit streep om groot trokke verby te gaan.
Alles het op dowe ore geval. My dashcam is nog elke dag aan, wanneer (nie as) Pat Hinde se Toyota vervoerwa die dag ‘n ongeluk maak of veroorsaak hoop ek net ek is daar met my dashcam!!

Lea Venter ·

Ja ons leef in die laaste dae , broer sal teen broer opstaan en kinders teen ouers. Daarom sorg dat jou eie lewe reg is en bid vir die wat nie die regte pad ken nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.