Vrou kraam op stasie toe hospitale haar glo weier

Argieffoto: http://www.jameschesley.com/

ʼn Asielsoeker van die Kongo het verlede week geboorte geskenk op die vloer van Park-stasie in Johannesburg nadat twee hospitale haar glo behandeling geweier het.

Francine Kalala is Donderdag na die Tshwane-distrikshospitaal toe sy in kraam gegaan het. Die hospitaal het glo geweier op haar op te neem. Sy is toe na die Steve Biko-hospitaal waar sy glo ook weggewys is. Haar man het toe saam met haar op die Gautrein geklim in die hoop om in Johannesburg ʼn hospitaal vir haar te kry. Kalala het egter op die vloer van Park-stasie geboorte gegee.

Jack Bloom, die DA se skaduminister van gesondheid, het in ʼn verklaring gesê ʼn ambulans het Kalala en die baba na die Charlotte Maxeke-hospitaal in Johannesburg geneem, maar dat dié hospitaal haar en die baba glo óók nie wou toelaat nie. “Ná agt uur kon sy en die baba uiteindelik behandeling kry by die Hillbrow-gemeenskapsgesondheidsentrum,” het Bloom gesê.

“Die Gautengse departement van gesondheid sal moet ondersoek instel hoe drie staatshospitale geweier het om haar te help. Hierdie skandalige gedrag wys hoe onmenslik sommige van die hospitaalpersoneel optree en hul grondwetlike plig verontagsaam om basiese mediese sorg aan enigiemand, insluitend buitelanders, te bied,” het Bloom gesê.

Hy meen die departement moet die Grondwet toepas en toesien dat geen persoon ooit weggewys word by ʼn staatshospitaal nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

43 Kommentare

jongste oudste gewildste
Daleen

Mnr Bloom, bel die Vrystaat Premier, hy sal gou n span drs stuur.

Baksteen

Ons eie mense van SA wat belasting betaal word by Staatshospitale weggewys. Kyk die mamma wat se baba te vroeg gebore is en in die gang self haar baba moes vang. Niemand kry behandeling maar as hulle verhoging nie groot genoeg is dan staak hulle. Ons vir jou Suid Afrika ne!!!

Genieve

Treurig verby.Hoe kan hulle die vrou weggewys het.Ek sal hulle aankla.

Johann Marx

Is daai baba nou ‘n Suid Afrikaanse burger? Hy of sy is hier gebore, nie waar nie? Hy gaan dus ‘n Suid Afrikaanse geboortesertifikaat kry, en later ‘n SA identiteitsboek en paspoort. Hy gaan egter ook ‘n ID boek en paspoort van sy ouers se land van herkoms kry….met ander woorde “dubbel burgerskap” ? Die ouers is “asielsoekers” na alles? Miskien kan ‘n ekspert dit vir ons verduidelik?

Loeis

Dit is tog interessant hoe asielsoeker vroue altyd swanger by hulle bestemmings aankom. Om simpatie te wek natuurlik. Ek het dieselfde in Europa ook gesien.