ʼn Vrou is in ʼn bedenklike toestand na ʼn hospitaal geneem nadat sy oënskynlik eers aangerand en toe in die kop geskiet is.
Shawn Herbst, woordvoerder van Netcare 911, het gesê die vrou is Donderdagoggend digby Abraham van Wyk-weg in Rietvlei, Roodepoort, aangetref.
“Paramedici het haar ondersoek en bevind dat sy in ʼn bedenklike toestand verkeer,” het Herbst gesê.
Sy is op die toneel behandel, aan lewensondersteunende masjiene gekoppel en inderhaas vir behandeling na ʼn hospitaal geneem.
“Die polisie ondersoek die omstandighede wat tot die skietery gelei het,” het Herbst gesê.