ʼn Vrou is in ʼn bedenklike toestand per lugambulans na ʼn hospitaal in die Vereeniging-omgewing vervoer ná ʼn ongeluk waarin ʼn vragmotor en ʼn motor Woensdagaand betrokke was. Die ongeluk het by die kruising van die R82 en die R54 gebeur.
Ross Campbell, woordvoerder van ER24, sê paramedici was net ná 19:00 op die toneel. Die motorbestuurder het op die ongelukstoneel rondgestap, terwyl ʼn vrou agter in die voertuig vasgekeer was.
“Die bestuurder het ligte beserings opgedoen en ʼn private nooddiens het hom behandel en na die Mediclinic Vereeniging vir verdere sorg geneem,” sê Campbell.
Lede van die brandweer asook paramedici van verskeie nooddienste het gehelp om die beseerde vrou uit die motorwrak te bevry.
“Die pasiënt is op die toneel behandel en daarna met ʼn mediese helikopter na ʼn private hospitaal vir verdere behandeling geneem.”
Volgens Campbell was die Emfuleni-verkeersdepartement en die polisie op die toneel vir verdere ondersoek.
Nog ‘n vragmotor betrokke!!!!
Ek het lankal my bedenkinge oor die bestuursvermoë van vragmotorbestuurders. Daar gebeur net te veel ongelukke waarby vragmotors betrokke is. Het menige kere gesien hoe ‘n vragmotorbestuurder jaag en verkeerstekens verontagsaam. Sigbare verkeerspolisie bestaan feitlik nie.
Vragmotors en taxis bykans daagliks in ongelukke betrokke
Die vragmotor ongelukke raak by die dag net meer.
As dit nie ń taxi is nie dan kan jy byna verseker wees dit is ń trok. Suid Afrika se paaie is ń oorlogsveld.