Vrou nog lewend toe familie ‘lyk’ gaan haal

Argieffoto

Argieffoto

ʼn Familie van Meyerton is woedend vir die provinsiale departement van gesondheid nadat hulle die ontstellende nuus ontvang het dat hul dogter in die Kopanong-hospitaal in Vereeniging dood is, net om haar later lewend by die hospitaal aan te tref.

Jack Bloom, gesondheidswoordvoerder vir die DA, het Woensdag gesê die familie van Tracy Palesa Hugo (26) is deur ʼn polisiebeampte ingelig dat Hugo in die hospitaal gesterf het nadat sy ʼn beroerte gekry het.

“Toe die familie Maandag saam met die begrafnisondernemer by die hospitaal opdaag om die lyk te gaan haal het hulle ontdek dat Hugo steeds lewe en in een van die sale behandel word. ʼn Verpleegster het aan hulle gesê dat Tracy se liggaam toegedraai is om verwyder te word nadat sy dood verklaar is, maar toe lewe sy nog al die tyd,” het Bloom gesê.

“Dit blyk dat die polisie gevra is om die familie van Tracy se ‘dood’ in te lig omdat die hospitaal beweer het hulle het nie ʼn kontaknommer vir die familie nie, maar die polisie is nooit later ingelig dat Tracy toe al die tyd lewe nie.”

Volgens Bloom is die Hugo-familie “erg getraumatiseerd” deur die voorval en beplan hulle om die hospitaal te dagvaar.

“Hulle het vyf dae lank oor Tracy se dood getreur terwyl sy steeds lewe. Dit is onverskoonbare nalatigheid van die hospitaal se kant. ʼn Ondersoek na die saak moet dringend gedoen word en aanbevelings moet gemaak word om te verseker dat so iets nooit weer in ons hospitale gebeur nie,” het Bloom gesê.

Qedani Mahlangu, LUR vir gesondheid, het die Hugo-familie om verskoning gevra en die bestuur van die Kopanong-hospitaal opdrag gegee om die voorval te ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

55 Kommentare

jongste oudste gewildste
Theresa B

Hoe deurmekaar kan hulle raak?? Goeie hemel tog, sal hierdie spul ooit regkom??!!

Foxi

Dit is wat ek mos sê………hulle weet nie wie hulle behandel nie en ook nie vir wat hulle jou behandel nie! Alle pasiente kry ponado’s, hetsy jy n hart of kanker probleem het. Hemel tog,
is daar nou regtig nie n ander manier om hierdie staatshospitale met hul ongeskoolde werkers reg te ruk nie! Dit kan net nie so aangaan nie.

Liezl

Het die familie 5 dae getreur voor hulle eers hospitaal toe is? Interessant.

Balkie

Ai Ai, alles word ondersoek en geen verslag is ooit gesien nie! Onbevoegde mense wat poste beklee. Jammer vir die familie wat so erge trauma moes deurmaak.

C

Ja-nee kyk, ek het altyd gedink dit is maklik om tussen lewe en dood te onderskei. OMW nee, dit is toe nou al die tyd ‘n baie moeilike onderskeiding. Eish, proudly South Africa!!!!!