(Foto: SA Police Service/Twitter)
ʼn 21-jarige vrou is nou sélf ʼn verdagte in ʼn polisie-ondersoek nadat sy haar stiefpa valslik van verkragting beskuldig het.
Die vrou het ʼn verkragtingklag by die Benoni-polisiestasie aanhangig gemaak.
“Die saak is geprioritiseer en met die nodige dringendheid hanteer, net om vas te stel dat dit ʼn versinde storie was. Die voorlopige ondersoek bevestig dat sy ʼn vals klag van verkragting ingedien het. Die vrou is vir meineed in hegtenis geneem en sal na verwagting binnekort in die hof verskyn,” het brig. Mathapelo Peters, polisiewoordvoerder, gesê.
Sy het nie verdere besonderhede verskaf oor wat die polisie tot dié gevolgtrekking laat kom het nie.
“Die polisie waarsku diegene wat vals klagte aanhangig maak dat dit onaangename gevolge inhou. Die polisie wil diegene wat wel slagoffers van verkragting is, vra om nié stil te bly daaroor nie, maar dit so gou moontlik aan te meld.”
Die polisie sê hy gaan voort om voorvalle van geslagsgebaseerde geweld, ook verkragting, te prioritiseer en uitgebreide hulpbronne word beskikbaar gestel om sulke sake te hanteer die oomblik dat dit aangemeld word. Die eenheid vir gesinsgeweld, kinderbeskerming en seksuele misdrywe het ook beamptes op bystand om dadelik te reageer op sulke voorvalle.
“Die gemeenskap word gewaarsku om nie stories te versin oor sensitiewe kwessies soos verkragting wat die polisie sy hulpbronne laat ontplooi op grond van vals bewerings wat eerder vir werklike sake aangewend kon word nie,” het Mathapelo gesê.
Ek hoop van harte daar gaan ‘n DEEGLIKE voorbeeld van haar gemaak word en dat die’ geval wye media dekking sal geniet.
Jy kan nie vals klagtes gaan lê net omdat jou iemand weier om langer vir jou te sorg nie. Jy is op stuk van sake al 21. Oud genoeg om te bestuur, drink, rook en stem. Gaan soek werk en sorg vir jouself. SJW is nie ‘n werk nie.
Hoogtyd. Meineed gebeur te gereeld.
Ek wonder nou of die pa in hegtenis geneem was?. Indien wel was dit uibasuin in die media.? Het almal toe geskree “Doodstraf”” geen borgtog”.?
Ek wonder nou of die pa in hegtenis geneem was?. Indien wel was dit uibasuin in die media.? Het almal toe geskree “Doodstraf”” geen borgtog”.?
Wat sou die man se straf gewees het as hy aan die klagte van verkragting skuldig bevind is?
Dit sal regverdig wees as daardie selfde straf nou aan die vrou opgelê word..
100% Korrek – as jy aspris iemand valslik van moord/verkragting/rassisme beskuldig behoort jy dieselfde straf te ontvang as die tipe beskuldiging wat gemaak is.
In hierdie geval sal sy egter moontlik net ‘n boete kry wat boonop nog moontlik deur die stiefpa betaal gaan word.
Goeie werk! Hopelik tree die polisie ook so streng op teen die vals klagtes wat gelê word oor rasisme. Hierdie mense mors kosbare tyd en geld. Dit is hoekom die Polisie nie by die ernstige sake uitkom nie.
Die Polisie sê dat jy nie valse klagtes moet lê nie omdat hulle bronne vermors word. Ek dink eerder dit gaan 10x meer oor die arme persoon wat onskuldig beskuldig is. En dan will hulle nog alle persone wat van verkragting aangekla word borgtog weier? Hoe lank moet ‘n onskuldige persoon in die tronk sit totdat die saak afgehandel is?
Dink net hoe stres die onskuldige man deur kinderagtige optrede. Hoop sy word n les geleer.
Weet van iemand wat 3 maande toegesluit was en toe word die saak net teruggetrek. Niks het met die dame gebeur nie. Hy het ook sy werk verloor in die tyd.
Hierdie is erg nadelig vir ander vrouens wat wettige klagtes het want hulle gaan nou met groot agterdog bejeen word.
Sit die vroutjie ver weg in die tronk dat sy kan gaan sit en dink aan ‘n onskuldig lewe wat sy probeer verwoes het. Dit is skandelik dat daar nog vroumense is wat mans aanrand of verkragting skreeu en dan het niks met hul gebeur nie en dink hul kan daarmee weg kom . Die howe moet hul swaar straf vat haar en maak ‘n voorbeeld asb.