Vrou ondervra, twee gesoek ná moord op boer

Moolman Meyer. Foto: Verskaf

ʼn Vrou word ondervra in verband met die moord op Moolman Meyer (67), ʼn boer van Ermelo, Mpumalanga.

Meyer se vuurwapen word uit sy huis vermis en twee van sy werkers, albei van Swaziland, het spoorloos verdwyn, het kol. Mtsholi Bhembe, woordvoerder van die polisie, gesê. Die identiteite van die werkers is nog nie vasgestel nie.

Daar is Woensdag op Meyer se erg verminkte lyk in ʼn plantasie langs sy trekker afgekom op die plaas Waaihoek.

Meyer is Saterdag die laaste keer lewend gesien. “Meyer het Saterdag met sy bakkie Ermelo toe gery om ʼn vrag vuurmaakhout te verkoop. Hy het twee werkers wat hom help om dooie hout in die plantasie te kap wat hy dan vir ʼn ekstra inkomste verkoop,” het Henry Geldenhuys, adjunkpresident van TLU SA wat op ʼn plaas naby Meyer se plaas woon, vroeër gesê.

“Ons vermoed die werkers het Meyer laat weet daar is fout met sy trekker. Dit is hier waar hulle hom oorval en doodgekap het met ʼn panga.”

Een van Meyer se vriende het onraad vermoed toe hy Dinsdag by Meyer wou kuier. Hy het alarm gemaak toe hy sy bakkie sien maar geen spoor van Meyer kon vind nie.

ʼn Soektog is van stapel gestuur waarby die polisie, TLU SA en die landbougemeenskap betrek is. Hulle het Dinsdag van 17:00 tot 22:00 na Meyer gesoek. Die soektog is vroeg Woensdagoggend weer hervat waarna Meyer se liggaam gevind is.

Volgens Geldenhuys was daar tot kapmerke tussen sy vingers soos hy probeer het om sy aanvallers af te weer.

Meyer het meer as 50 jaar op die plaas geboer. Hy het egter oor die laaste paar jaar begin om sy boerdery af te skaal.

Geldenhuys het gesê die huis is geplunder en die aanvallers het vermoedelik met selfone en vuurwapens weggekom. Hy glo hulle het oor die grens na Swaziland gevlug aangesien die plaas naby dié grens is.

Enigiemand met inligting oor die voorval word versoek om lt.kol. Mbongeni Myeni by 082 556 5605 of Stop Misdaad by 08600 10111 te kontak.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Paraat

Neem n foto van elke werker asook sy ID en stoor die inligting by iemand anders wat dan die polisie kan help as iets gebeur. Moet nooit onbekende werkers net op jou erf of plaas toelaat nie.

Deloris

Die buite landers net so gevaarlik.. Hulle is die binne info mense wat info uitgee…..
Van Sat tot Dins. en niemd soek hom voor die tyd nie..

christine

So wreed n hard werkende man vermoor hoop hul vang die gemors .Sterkte aan familie en vriende.
Rus in vrede.

Aksie SA

Ongelukkig is statistieke ontoereikend, maar dit word vermoed dat buitelanders (meestal onwettig in SA) toenemend verantwoordelik is vir geweldsmisdade in SA. Mede burgers, hou op om dié misdaadelemente indiens te neem….. slaan terug en doen die regte ding! Kry eerder jou mede burgers om die werk te doen, as jy dan nou nie als kan self vermag nie…. elkeen KAN nou ‘n verskil begin maak.

TLC

Mmmmmmmmmm
VROU watter vrou
Sy vrou of huiswerker
Die dinge gaan ons laat uithaak
Genoeg is genoeg
Het ons wonderlike sapd al iets wyser geword oor daai bekende boer in die Kaap
Seker nie want hy is mos WIT
RIV my boere broers Amen