Vrou oor k-woord van Kulula-vlug verwyder

Argieffoto: cyberairlines.net

ʼn Passasier is Vrydagaand van ʼn Kulula-vlug verwyder nadat sy glo die k-woord gebruik het om na die vlieënier te verwys.

Nadine Watkins, een van die passasiers op die vlug Vrydagaand van OR Tambo in Johannesburg na Durban, het kort ná die voorval getwiet die vlug mag met tien minute vertraag word aangesien ʼn “aanstootlike” passasier uit die vliegtuig begelei is.

“Die vrou het met haar kêrel op die foon gepraat en die man wat langs haar op die vliegtuig gesit het, het gehoor sy noem die vlieënier die k-woord. Hy het die lugwaardin in kennis gestel en hulle het veiligheidspersoneel gekry om die vrou te verwyder,” het Watkins getwiet.

“Ons vlug mag tien minute vertraag wees, maar as Suid-Afrikaners kan ons nie toelaat dat sulke optrede voortgaan nie,” het sy bygevoeg.

William Smook, ʼn senior konsultant van Meropa Communications wat as woordvoerder vir Kulula optree, het Maandag die voorval aan Maroela Media bevestig.

“Die vrou is van die vlug verwyder en die lugredery het ʼn volledige ondersoek na die voorval van stapel gestuur. Kulula duld nie enige vorm van diskriminasie nie en hangende die uitkoms van die ondersoek, sal daar besluit word of daar verdere stappe teen die vrou gedoen gaan word,” het Smook gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

144 Kommentare

jongste oudste gewildste
PJ

Wat is volgende ?

liz

Haar mede passasier sal nou kwalikfiseer vir ‘n medalje.

A

En die vrou wat so ontsteld is oor die ongewenste woord is seker nou vreeslik trots op haarself. Sy dra nou by tot ‘n nie-rassistiese omgewing.

Word wakker. Jy kon met die vrou ‘n ordentlik gesprek aangeknoop het en haar gewys het op haar verkeerde optrede.

Saartjie

“‘n Ondersoek sal nou ingestel word.” WORD wakker, spandeer julle tyd en geld om Plaasmoorde te bekamp, en hou op geld mors op nonsens!

Albatros

Wat as hy verkeerd gehoor het?