Die dwelms waarop daar beslag gelê is. (Foto: African News Agency)
Suid-Afrikaanse doeanebeamptes het met behulp van snuffelhonde ʼn vrou aangekeer wat glo gepoog het om 3,6 kg se heroïne van Mosambiek oor die grens te smokkel.
Volgens die Inkomstediens (SAID) het die dwelms ʼn straatwaarde van R3,6 miljoen. Die vrou het glo twee rugsakke by haar gehad en is voorgekeer toe sy deur die voertuigbaan van die Lebombo-grenspos gestap het.
Die rugsakke is deursoek en die heroïne is in valse kompartemente in twee plastieksakke gevind. Die Suid-Afrikaanse Polisiediens (SAPD) het op die dwelms beslag gelê en die vrou is in hegtenis geneem.
“Die suksesvolle operasie is die resultaat van samewerking tussen die SAID en die SAPD, wat daaraan toegewy bly om ons grense te beskerm en wettige handel te fasiliteer,” het die SAID bygevoeg.
Die polisie en andere probeer hul bes by grensposte maar wat van mense wat doodeenvoudig op ander plekke oor die grens kom.
Goed gedoen deur die beamptes, sluit haar toe.