Vrou op Noordwes-kleinhoewe vermoor

Argieffoto: Reint Dykema

Argieffoto: Reint Dykema

Die liggaam van ʼn 44-jarige vrou is Woensdag in haar huis op ʼn kleinhoewe by Silkaatsnek naby Hartbeespoortdam in Noordwes gevind.

ʼn Vriend het glo onraad vermoed toe die vrou nie by die skool opgedaag het om haar kinders op te laai nie. Hy het op haar liggaam afgekom toe hy gaan ondersoek instel het.

Sers. Kelebogile Moleko, woordvoerder van die polisie, het gesê die vrou het verskeie steekwonde aan haar liggaam gehad, onder meer aan haar bors. “Verskeie waardevolle items word uit die huis vermis, onder meer ʼn televisie, ʼn skootrekenaar en ʼn selfoon.” Die verdagtes het volgens Moleko ʼn deur oopgebreek om toegang tot die huis te verkry.

Moleko het gesê die polisie vermoed in dié stadium dat twee verdagtes by die aanval betrokke was. Sy wou nie onmiddellik die oorledene se naam bevestig nie.

ʼn Saak van moord en huisroof word ondersoek. Niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
JC

Jinne, ek is nou hengse moeg vir die nonsens, waar is die patrollies en die wagte???
Sekerlik kan dit nie SO maklik wees nie?

rafel

en dit hou net aan en aan en aan….die duiwel is los

Savethetigerplz

Wanneer hou dit dan op?? Hoeveel nog?? Doodstraf!!

Marianne

Is niemand meet veilig nie?
Ons huis lyk al erger as Pollsmoore gevangenis, dis die feedings en hekke en nog hekke en honde en alarms….
Hoe beveilig mens jouself? Hoe beskerm jy jou kinders?
Booswigte, moordenaars en verkragters loop vrylik rond.
Ons sit toegesluit!!!
Ek voel so jammer vir haar kinders ek breek vir elke gesin en hulle naasbestaandes wat die moordenaars geraak word.
Bring asseblief die doodstraf terug en help ons Om weer vry en veilig te wees.

Flibo

Dis lelik om dit te se, maar ons raak al gewoont daaraan. Ons lees bykans elke dag hiervan en as ons dit klaar gelees het gaan ons maar net aan met ons daaglikse dinge, TODAT DIT JOU RAAK. Mense ons sal moet ophou net lees hiervan en iets begin doen daaraan om dit te stop. Hulle moor ons afrikaner volkie nou met n spoed uit !!!!!