ʼn 49-jarige vrou is dood toe sy Vrydagmiddag op ʼn Vrystaatse plaas deur weerlig getref is.
Ineke van Huyssteen, woordvoerder van ER24, het gesê die voorval het omstreeks 16:30 op ʼn plaas buite Ladybrand plaasgevind.
“Toe paramedici by die toneel aankom, het hulle die vrou op die grond aangetref. Sy was met ʼn kombers toegemaak,” het Van Huyssteen gesê.
“Die vrou het erge brandwonde aan die voorkant van haar liggaam opgedoen.”
Van Huyssteen het gesê die vrou het geen tekens van lewe getoon nie en is op die toneel dood verklaar.
Die polisie was op die toneel en ondersoek die omstandighede rondom haar dood.
Wie gaan hulle aankla vir haar dood, want hulle wil dit mos ondersoek? Oe-eh-eh.
Oor twee maande dan sal hulle die oorsaak bekend maak,”n slang het haar gepik”.
Wag nog vir die presidensie verslag oor weerlig in Kzn
Dit bly steeds vir my ‘n bron van konstante verwondering dat soveel klem gelê word op mense se ouderdomme tydens beriggewing. Sou die weelig byvoorbeeld nie iemand getref het as sy nie 49 jaar oud was nie?