Vrou op plaas in Oos-Vrystaat aangeval, verkrag

(Foto: SA Polisie)

Die polisie is steeds op die spoor van ʼn man wat ʼn vrou Donderdagaand in haar plaashuis in die Oos-Vrystaat oorrompel en verkrag het.

Riaan Corbett, die veiligheidsverteenwoordiger van Vrystaat-Landbou in die Fouriesburg-distrik, het gesê die polisie en landelike beveiligingspan is omstreeks 19:30 na die huis ontbied.

Die vrou het na bewering probeer terugveg. Sy is onder meer gewurg en het verskeie kneusplekke in die aanval opgedoen. Sy is vir behandeling geneem, maar is na verneem word reeds ontslaan.

In dié stadium lyk dit nie of enigiets uit haar huis gesteel is nie.

Die vrou woon meestal alleen op die plaas. Sy boer nie self nie en verhuur die grond.

Die aanvaller het ná die voorval op die vlug geslaan en die werf is gefynkam vir enige leidrade wat die polisie op sy spoor kan sit.

Konst. Puleng Lebakeng, polisiewoordvoerder, het gesê die aanvaller is steeds op vrye voet.

Gisteraand se aanval kom boonop kort ná die moord op Mienie Frost (72), ʼn bejaarde boervrou van Bethlehem. Frost is vandag begrawe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Dan

Plaasaanvalle is ‘n WERKLIKHEID.
Aanvalle op Boere is ‘n WERKLIKHEID.
Aanvalle op blankes is ‘n WERKLIHEID.
Plaasaanvalle en -moored is aan die toeneem – dit is ‘n WERKLIKHEID.

NEEM KENNIS. WERKLIKHEID BETER VINNIG INSKOP SODAT DAAR DAADWERKLIKE MAATREELS DEUR REGERING BESKIKBAAR GESTEL WORD EN HIERMEE AFGEREKEN KAN WORD.

So jammer vir die kort-op-mekaar voorvalle in die mooie Oos-Vrystaat, woon self in die Oos-Vrystaat. Gebede is verseker ‘n behoefte!

Kokkie

Ek is regtig baie bekommerd oor vroue wat alleen op plase of hoewes bly. Hulle is doodeenvoudig sagte teikens.

JohanR

En soe word ons een vir een maar net misdaadstatistieke in die Nuwe Suid Afrika….. Raak soe kwaad, wil self ook net iets pleeg op die ou!

Renee

Ek wil net weet waar is ons mnr die President of is hy land uit of………….

Willehond

Dit sal nie met my gebeur nie sindroom!! Ons moet baie vinnig wakker word!