Vrou se familie word gesoek

Carole Perkins

Carole Perkins

ʼn Vrou wat vermoedelik verstandelik gestremd is of demensie het, is tans in die sorg van ʼn barmhartige samaritaan in Johannesburg wat dringend op soek is na haar familie.

Dessie Rechner, stigter en direkteur van Pink Ladies, ʼn organisasie wat hom daarop toespits om vermiste persone op te spoor, het Vrydag aan Maroela Media gesê die vrou, wat haarself Carole Perkins noem, sê sy is 64 jaar oud en is op 9 September 1949 gebore.

“Die persoon het haar op 19 Mei ingeneem,” het Rechner gesê. “Sy het dae lank by die Cresta-winkelsentrum rondgedwaal en het in die aande by ʼn vulstasie en McDonalds-restaurant by Northcliff Corner geslaap of gesit.”

Sy het ʼn wit handsak en ʼn paar Pick n Pay-sakke by haar gehad toe sy ingeneem is. Sy het ʼn grys broek en baadjie aangehad. “Sy het haar gesinslede as Brenda Perkins, Cathy Perkins en Dave Perkins uitgeken.”

Mense met meer inligting oor die vrou word versoek om Rechner by 072 214 7439 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.