Vrou sluit ‘dief’ binne motor toe

Argieffoto

Argieffoto

ʼn 31-jarige man moet Maandag in die Schweizer-Reneke landdroshof in Noordwes verskyn in verband met diefstal uit ʼn motor.

“ʼn Vrou het Donderdagmiddag omstreeks 16:00 haar motor parkeer en nie opgemerk dat iemand ʼn warsender gebruik om te verhoed dat haar motor met ʼn afstandbeheerde toestel kan sluit nie,” het sers. Kealeboga Molale, woordvoerder van die polisie, gesê.

Molale het gesê die verdagte het in die motor geklim en die deur toegemaak om glo items uit die motor te steel, toe die vrou by die winkel ingegaan het.

“Veiligheidsbeamptes het gesien wat gebeur het en die vrou in kennis gestel. Sy het weer die afstandbeheer gebruik om die motor te sluit, en die verdagte is binne-in die motor toegesluit,” het Molale gesê. “Die polisie is na die toneel ontbied en die man is in hegtenis geneem.”

Die polisie doen ʼn beroep op voertuigeienaars om te alle tye waaksaam te wees en seker te maak hul voertuie het wel gesluit.

Die ondersoek duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Herman

Was die dief blond?

AmY

Lekker lag ek nou!

Johann

As hy per ongeluk agter ingeklim het, sou hy gesien het die stuurwiel is klaar gesteel!!!

Tdw

Watse tipe kar kan jy nie jouself laat uitkom nie as hy van buite toegesluit word?

Johann

As die dief blond was, sou hy gesien het hy is op die agtersitplek en die stuurwiel is klaar gesteel!