ʼn 29-jarige vrou van Heidelberg in Gauteng sal na verwagting Maandag in die plaaslike landdroshof verskyn nadat sy die naweek glo ʼn jong vrou met ʼn gebreekte bierbottel gesteek het.
Kapt. Thivhulawi Tshilate, polisiewoordvoerder, het gesê die voorval het Saterdagaand in Ratanda plaasgevind.
“Daar word beweer dat die verdagte saam met haar vriendin by dié se kêrel gekuier het, toe die klaagster daar opgedaag het,” het Tshilate gesê.
“Die slagoffer het die verdagte se vriendin gekonfronteer oor haar kêrel, waarna ʼn bakleiery uitgebreek het.”
Die verdagte het glo ʼn bierbottel gebreek en haar een keer daarmee in die rug gesteek. Die vrou het ernstige beserings opgedoen en is na ʼn hospitaal geneem vir verdere behandeling.
Die verdagte is Sondag in hegtenis geneem op aanklag van aanranding met die doel om ernstig te beseer.
Dink dis veiliger om maar pap-sak wyn te drink…
Like!
Liewe aarde! En sy noem haarself n “vrou”
dislike :-(