Vrou sterf ná aanval op Sundra-kleinhoewe

Cathy Van Coppenhagen. Foto: Facebook

Cathy Van Coppenhagen. Foto: Facebook

Die vrou wat Vrydagaand tydens ʼn huisroof op ʼn kleinhoewe in die plaasdorpie, Sundra, in Mpumalanga in ʼn hondehok van haar aanvallers moes wegkruip nadat sy geskiet is, is oorlede.

Derek Bester, voorsitter van die plaaslike buurtwag, die Sundra Rietkol Bulldogs, het aan Maroela Media bevestig Cathy Van Coppenhagen is Woensdag in die hospitaal dood. “Ons is maar ʼn klein gemeenskap, wat almal baie na aan mekaar is en daarom is die nuus ʼn baie groot skok vir almal. Dit is vir ons erg dat so iets hier by ons moet gebeur,” het Bester gesê.

Maroela Media het vroeër berig twee gewapende mans het Van Coppenhagen en haar man die aand op die kleinhoewe oorval en aangehou. Die aanvallers het die egpaar buite die huis ingewag toe hulle hul honde wou gaan uitlaat. Cathy is in die tuin in die bolyf geskiet en daar gelos, waarna die rowers haar man in die huis in gedwing en op waardevolle items aangedring het.

Cathy het daarna ʼn paar meter ver in die modder gekruip om skuiling te soek. Haar man is aangerand voordat die verdagtes op vlug geslaan het. Toe die buurtwag en die polisie omstreeks middernag na die kleinhoewe ontbied is, het hulle Cathy in ʼn ernstige toestand in die hondehok gevind waar sy geskuil het.

Haar dogter, Samantha Willemse, wou nie met die media praat nie. Van Coppenhagen is die ouma van klein Caylum Willemse, die tien maande oue babaseuntjie wat met ʼn seldsame defek gebore is. Hy het vroeër vanjaar harte aangegryp toe genoeg geld vir hom ingesamel is om spesiale behandeling oorsee te ontvang.

Dit is nie duidelik of enigiemand al in hegtenis geneem is in verband met die aanval nie. Maroela Media wag op kommentaar van die polisie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

83 Kommentare

jongste oudste gewildste
Skokkend

Waar is Mmusi nou en die DA en die EFF en almal wat buite die hof van die doodskismanne gestaan en skreeu het en wittes sleggemaak het en gedreig het met die dood? Waar is julle nou? Wie het hierdie vrou vermoor? Gaan hulle ook nou die RAS van die moordenaars bekend maak op die WIT vrou? Sy is in die bolyf geskiet vir niks nie. Die doodskis man is nie dood nie, maar maak opslae .. WAT het van ons land geword?

Asjas

Ek kan nie wag vir die DA-Leier se volgende Twiet nie, dit gaan uiters interessante leesstof maak!

Ruby

Waar is die EFF nou?

Sharon

Wat is Musi se e-mail adres. Dan kan ons al die berigte aan hom stuur.
Sommer ook aan die ANC en die EFF.

Veronica

Na die twiet is ek verseker nie van plan om weer DA te stem nie. Die leier se eie mense sal altyd belangriker wees as n witmens.