Vrou sterf ná bakkie op grondpad rol

Die bakkie se wrak. Foto: ER24

Die bakkie se wrak. Foto: ER24

ʼn Vrou is Woensdag in KwaZulu-Natal dood nadat haar bakkie op ʼn grondpad gerol het.

Russel Meiring, woordvoerder van ER24, het gesê die ongeluk het op die Vulintaba-pad by Newcastle plaasgevind.

“Die vrou, vermoedelik in haar 40’s, het op die grondpad gery toe sy beheer oor die bakkie verloor en dit gerol het. Die bakkie het op sy dak aan die kant van die pad tot stilstand gekom,” het Meiring gesê.

Hy het gesê die vrou se liggaam is in die wrak aangetref. “Daar kon ongelukkig niks vir haar gedoen word nie en sy is op die toneel dood verklaar.”

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

DPJ ·

Jammer om van die ongeluk en lewens verlies te hoor.
Ma God die gesin ruklik vertroos.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.