Reddingswerkers op die toneel. Foto: Netcare 911
ʼn 49-jarige vrou is dood nadat haar motor nagenoeg 100 meter teen ʼn krans by Monteseel naby Hammarsdale in KwaZulu-Natal afgetuimel het.
Robert McKenzie, ʼn woordvoerder van die provinsiale nooddienste, sê nooddienswerkers moes met toue teen die krans afseil om die motor en die vrou se liggaam te bereik. Die vrou is uit die motor geslinger.
Die voertuig het nagenoeg 100 meter ver geval en verskeie kere gerol.
Foto: @rescueclimber op Twitter.
“Snuffelhonde en polisiehelikopters het die toneel gefynkam, en geen ander liggame is gevind nie,” het McKenzie gesê.
ʼn Helikopter is gebruik om die vrou se liggaam te verwyder.
Die polisie ondersoek die voorval.
