Tientalle boodskappe van medelye het ingestroom ná die dood van ʼn vrou toe ʼn motor met twee insittendes Vrydagmiddag by Chapmanspiek in die Kaapse Skiereiland afgestort het.
Die voertuig het teen die hang, naby die water, te lande gekom.
Die nooddiens Cape Medical Response sê paramedici, nooddienswerkers en lede van die Nasionale Seereddingsinstituut (NSRI) het die twee insittendes teen die hang te hulp gesnel. Die vrou is dood verklaar terwyl die man in ʼn bedenklike toestand was.
Albei was in die voertuig vasgekeer en moes met die hulp van meganiese toerusting losgesny word.
Die man is met ʼn helikopter na ʼn ambulans vervoer, waarna hy na ʼn Kaapstadse hospitaal vir verdere behandeling geneem is.
Die vrou se liggaam is ook per helikopter van die wrak na die kant van die pad gebring en aan die forensiese patologiedienste oorhandig.
Die twee was vermoedelik toeriste.
Jammer.
Toeriste : kom miskien van ‘n land waar hulle aan die regter kant bestuur, en net vir ‘n oomblik aan die verkeerde kant van die pad gery? ‘n Dame van die maatskappy waar ek gewerk het is erinstig beseer naby die lughawe toe toeriste aan die verkeerde kant van die pad bestuur het.