Argieffoto
ʼn Inwoner van ʼn aftree-oord in Wellington in die Wes-Kaap is dood nadat ʼn brand Dinsdag in die vroeë oggendure by die oord ontstaan het.
Robert Daniels, woordvoerder van die Wes-Kaapse nood- en patologiedienste, het gesê die brand het net voor 02:00 by Huis Lizelle in Bainstraat uitgebreek.
“ʼn Vrou in haar laat 60’s is oorlede terwyl verskeie ander inwoners vir skok behandel moes word,” het Daniels in ʼn kort verklaring gesê.
Hy het gesê daar is verantwoording gedoen vir al die ander inwoners in die tehuis en almal is ongedeerd.
Die oorsaak van die brand word ondersoek.
Dit is baie hartseer!!!