Vrou sterf tydens gewapende huisroof

Lo-Anne Koekemoer (Foto: Facebook)

Lo-Anne Koekemoer (Foto: Facebook)

Lo-Anne Koekemoer (41) is Vrydagoggend dood toe vyf mans die gesin in hul huis in Glen Donald, Meyerton in Gauteng, oorval het.

Konst. Maria Letsele, woordvoerder van die polisie, het aan Maroela Media bevestig die aanvallers het by ʼn kantoorvenster ingebreek. “Haar man was in die kantoor en die mans het hom met ʼn koevoet aangeval.”

Lo-Anne se man, Tommy (44), bedryf ʼn konstruksiemaatskappy op die perseel.

Lo-Anne het twee seuns, onderskeidelik agt en 10 jaar oud. Letsele het bevestig die seuns, haar ma, suster en susterskind, was ook by die huis ten tyde van die aanval.

“Een skoot is gevuur en die vrou is in haar regterarm getref,” het Letsele bygevoeg. “Die res van die gesin is in die sitkamer aangehou.”

Volgens Letsele het die mans gevlug met R3 000 kontant, twee vuurwapens, televisiestelle en selfone. “Hulle het in ʼn Hyundai i20 van die toneel gevlug. Die voertuig is later verlate gevind in De Deur.”

ʼn Ambulans is ontbied en Tommy is deur paramedici ondersoek. Hy is nie in ʼn hospitaal opgeneem nie, maar het later van rugpyn gekla.

Lo-Anne en Tommy is op 26 Oktober getroud.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
judyanne.dreyer

Ag siestog eks so jammer vir almal wat iemand verloor deur die hande van Hierdie barbaarse optredes , maar die Here slaap nie Hy sien jou en hy gaan vir jou kom groot Meneer met jou geweer wat dan niks gaan beteken nie!

mel

Nou vra ek wat gaan gebeur met di wetterse goed!!!!!!! Skuus maar net nog ‘n blanke mens op di kerfstok, dis asof om te Moor maar net nog ‘n alledaagse stokperdjie geword het, genade man, genoeg is genoeg, wanneer gaan dit ophou. My innige simpatie met haar naasbestaandes , Mag God Jul dra deur hierdie hartseer tyd. RIV Lo-Anne

EvW

Eish…….

M'Lady

… en so gaan die volksmoord ongehinderd voort en geen haan kraai daaroor nie maar die “doodskis” storie is in elke nuusberig en op alle TV kanale. Die hofverigtinge word tot uitgesaai. I rest my case.

anna

Wonder nou of kyknet se nuusprogram nou ook die wit en swart so gaan uitlig soos wat gisteraand en vanaand op hul 7uur se nuusberigte was oor die doodskis episode waar niemand eers dood is nie.