Argieffoto
ʼn Vrou en twee kinders, onder wie ʼn drie maande oue baba, is Vrydag dood toe ʼn huis in Kaapstad tot die grond toe afgebrand het.
Theo Layne, woordvoerder van die Kaapse brandweer, het aan Maroela Media gesê die brand het vroegoggend by ʼn huis in Lavender Hill uitgebreek.
“Die informele struktuur is heeltemal verwoes. Die vrou en twee kinders is op die toneel dood verklaar. ʼn Man is met brandwonde na ʼn nabygeleë hospitaal geneem,” het Layne gesê.
Die slagoffers se ouderdomme was nie dadelik beskikbaar nie.
Die oorsaak van die brand is onbekend en word ondersoek.
