Vrou tydens huisroof in gesig gesteek

mes-aanval

Argieffoto

ʼn Bloemfonteinse vrou in haar 50’s het haar Woensdag teen ʼn rower verdedig deur kookwater oor hom te gooi.

Kapt. Chaka Marope, polisiewoordvoerder van Bloemfontein, het gesê die vrou was omstreeks 14:00 in haar huis in Fauna besig met huistakies toe ʼn onbekende man in sy laat 20’s toegang tot die huis verkry het.

“Die vrou was in die agterplaas by die wasgoeddraad. Sy is terug in die huis deur die kombuisdeur en het iemand in die huis hoor rondloop. Sy het gaan ondersoek instel, waarna die man haar oorweldig en met ʼn mes gedreig het,” het Marope gesê.

Die vrou en die man het begin stoei. In ʼn stadium het sy kookwater oor hom gegooi in ʼn poging om haar te verdedig. Die man het egter teruggeveg en haar met die mes in haar gesig gesteek. Hy het op vlug geslaan met ʼn skootrekenaar, ʼn iPad, ʼn selfoon en klere.

Die vrou is ná die voorval na ʼn hospitaal geneem vir behandeling. Sy is reeds ontslaan.

Die Parkweg-polisie ondersoek die saak. Die verdagte is steeds soek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Corrie

Hoekom word die ras van die aanvaller nie gemeld nie?

F Brits

Ek dink tog dit gaan help as die ras van die aanvaller en slagoffer bekend gemaak word,sodat die wereld kan sien wat aangaan.

HJM

Ek is bly sy het teruggeveg en hom ook bygekom, en nog meer bly sy is oraait.
Dit bly egter kommerwekkend.
U go girl!!!

Topster

Die wereld gaan nie sien nie die SAUK sal dit sensor .dis soos verkragters en plaasmoorde waar die ras mos in hierdie Suid-Afrika nie ter sprake is nie anders as jy dit noem is jy dalk ook in die hof vir crime injurie

Elizabeth

ek ‘brdoel’ bedoel.