ʼn Vrou wat in ʼn puttoilet in Bankara naby Kuruman in die Noord-Kaap vasgekeer was, is Dinsdagmiddag gered.
“Lede van die gemeenskap het om die puttoilet saamgedrom toe paramedici by die toneel opgedaag het,” het Chitra Bodasing, woordvoerder van ER24, gesê. “ʼn Vrou, vermoedelik in haar 20’s, het op haar sy in die toilethokkie gelê.”
Die inwoners het paramedici gehelp om die toerusting te bring om die vrou te bevry. “Die mure om die toilet moes afgebreek word om die vrou te bevry,” het sy bygevoeg.
Volgens Bodasing was die vrou deurmekaar en sy het geringe beserings opgedoen. “Sy is op die toneel behandel en na ʼn hospitaal geneem vir verdere behandeling.”
Volgens die inwoners het die vrou die oggend omstreeks 04:00 verdwyn. Paramedici is die middag ontbied toe iemand haar in die toilet gevind het.
Owerhede stel ondersoek in.
Volgens die berig moes die opskrif gelees het: ” Vrou uit toilethokkie gered”
Ek stem saam met Francois. Volgens die opskrif klink dit baie erger as wat dit is. Sy kon in die put geval het en dan was sy diep in die moeilikheid. (Verskoon my gebrek aan woordspeling.)
Ek stem. Die opskrif het my nou heeltemal verwar. Hoop die vrou herstel vinnig.
Het die foto soooo gekyk en gewonder: “Hoe op aarde het die vrou in daai gaatjie geval?” Stem saam, die opskrif is misleidend!