Vrou val van voertuig, beland voor motor

Die motor wat die vrou getref het. Foto: Netcare 911

ʼn Vrou, vermoedelik 35 jaar oud, is Donderdagaand in die Vrystaat dood toe sy van ʼn swaarvoertuig geval en daarna deur ʼn motor getref is.

Nick Dollman, woordvoerder van Netcare 911, het gesê die voorval het teen 21:15 op die N5 sowat 10 km buite Kestell in die rigting van Harrismith plaasgevind.

“Die vrou het vermoedelik agterop die vragmotor gery toe sy glo afgeval het. Sy het in die pad beland en is daarna deur ʼn verbygaande voertuig getref,” het Dollman gesê.

Die vrou het reeds aan veelvuldige beserings beswyk toe paramedici by die toneel opdaag. Die insittendes van die motor was erg geskok, maar het geen beserings opgedoen nie.”

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae