Vrou vas ná moord op Ficksburg-boer

Barry Baars. Foto: Facebook.

ʼn Vrou is in hegtenis geneem en het in die hof verskyn in verband met die moord op Barry Baars.

Baars (55) se werknemers het omstreeks 09:00 verlede week Dinsdag op sy liggaam afgekom op ʼn plaas tussen Ficksburg en Rosendal in die Vrystaat. Sy liggaam was in komberse toegedraai en hy het ʼn skietwond aan sy ken gehad.

Kol. Thandi Mbambo, woordvoerder van die polisie, het gesê nadere ondersoek ná die moord het aan die lig gebring dat ʼn vroulike werknemer op die plaas die laaste persoon was wat saam met Baars gesien is.

Volgens Mbambo is Nthabiseng Ledwaba (38) Vrydag vir ondervraging ingeneem en later in hegtenis geneem. Sy het Dinsdag in die Ficksburg-landdroshof verskyn op aanklag van moord, en die saak is tot 13 November uitgestel vir verdere ondersoek.

Mbambo het vroeër gesê daar was geen gedwonge toegang tot die plaashuis nie en dat daar met ʼn klein kluis in die kombuis gepeuter is, maar dat niks daaruit gesteel is nie. “ʼn Groot kluis in die slaapkamer is oop aangetref met die sleutel steeds in die deur. Daar was vuurwapens en weermagklere in dié kluis.”

Mbamo het gesê hulle probeer nog vasstel of daar nóg verdagtes betrokke was by die moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Ada

Kry blankes om op die plase te werk!!!!!!

bennie brits

Werk eerder self in jou huis sonder hulp dan weet niemand wat in jou huis aangaan

RikaG

Omw as die vrouens nou begin om die boere te vermoor wat le nog vir ons voor. So sad om dit te lees.

Pop

Ek kan raai wat sy nou gaan se. En die polisie gaan haar glo. ?

So sad!

Dis n groot skok ev verlies vir sy familie, mag God julle vertroos en dra deur hierdie geweldige moeilike tyd. Geregtigheid sal geskied eendag moet elkeen sy eie sask by God gaan pleit.
Sterkte aan die familie!