ʼn 27-jarige vrou sal na verwagting Vrydag in die Melmoth-landdroshof in KwaZulu-Natal verskyn in verband met haar beweerde betrokkenheid in die moord op Phiwayinkosi Magwaza, ʼn 59-jarige adjudant-offisier in die polisie.
“Magwaza was werksaam by die plaaslike polisiestasie,” het kapt. Simphiwe Mhlongo, woordvoerder van die polisie, gesê. “Hy is in die vroeë oggendure op 27 Augustus 2020 by kwaMagwaza Reserve doodgeskiet toe onbekende persone hom in sy huis oorval het. Hy het gelê en slaap toe die persone hom aangeval het. Sy dienspistool is ook gesteel.
Lede van die Valke van Richardsbaai is na die toneel ontbied en het met hul ondersoek begin. “Die oorledene se vrou is Woensdagaand in hegtenis geneem. Die motief van die moord is nog nie bekend nie.”
Mhlongo het gesê die ondersoek is in ʼn gevorderde stadium om die vrou se vermeende medepligtiges aan te keer.
27 Jarige vrou en 59 jarige man, klink nie reg nie…
Hoe moet dit klink?
Kry jou eie portier… dis hoe dit moet klink 57/58 59