ʼn Vrou is Vrydagoggend deur paramedici te hulp gesnel, nadat sy Donderdagaand tussen twee mure by ʼn huis in Meyerton, Gauteng, vasgekeer geraak het.
Russel Meiring, woordvoerder van ER24, sê paramedici en die Midvaal-brandweerdienste is net voor 08:00 na die huis ontbied. Met hul aankoms op die toneel het hulle die vrou in ʼn klein ruimte tussen ʼn grensmuur en die huis se muur aangetref.
Meiring sê na wat verneem word, is die vrou Donderdagaand tussen die mure vasgekeer toe sy oor die grensmuur geklim het. Hy kon geen inligting verskaf oor die rede waarom sy oor die muur geklim het nie.
“Die brandweerdienste het die vrou bevry en paramedici het haar vir hipotermie behandel,” bevestig Meiring.
“Sy is daarna per ambulans na die Kopanong-hospitaal in Vereeniging geneem vir verdere mediese behandeling.”
Ek het net een vraag. Het sy nie eenkeer geskreeu van Donderdagaand af nie?
Nou hoe nou?
Nou hoekom klim ‘n mens oor ‘n muur?
Nogal op so ‘n plek?
Jy klim oor n muur want die hek is gesluit en jy het nie n sleutel daarvoor by jou nie
Wàt ‘n koue nag. Te kyke na waar sy oorgeklim het, kan mens wonder of sy dalk probeer wegkruip het.
Daar is duidelik klippe gepak om te kan oorklim.
Die munisipale bou regulasies is nie nagekom nie jy moet 1.5m tussen ‘n gebou en die grens muur hê, en dit is hoekom daar regulasies in plek moet wees maar duidelik was daar geen bou inspekteur op daardie perseel of dalk was daar.
Bou regulasies in plek in SA. Wat ‘n grap.
Bou regulasies net vir sekere mense
Is dit twee verskillende persele?
Slim het sy baas gevang
Verseker ! ek kan nie help om te wonder wat de joos sy aan die anderkant van die muur wou gaan soek nie ? Mens noem dit draadspring wanneer ‘n ram of bul die vroulike dier aan die anderkant van die draad gaan opsoek , wat sou ons dit nou in die geval noem ?
Janee….lyk of daar weer ‘n ander plan was in daardie kop…