Vrou vermoor kêrel glo ná klap

Argieffoto

’n 38-jarige vrou van Joubertina in die Oos-Kaap is oor die naweek in hegtenis geneem nadat sy glo haar kêrel tydens ’n hewige argument met ’n mes doodgesteek het.

Sers. Majola Nkohli, woordvoerder van die polisie, sê die twee was Saterdag omstreeks 21:30 in ’n woordewisseling buite ’n huis in Rondomskrik betrokke.

Daar word beweer dat die 42-jarige man sy vriendin deur die gesig geklap het. Dit is toe dat sy hom na bewering een keer met ’n mes in die bolyf gesteek het.

Nkohli sê die man is op die toneel dood.

Die vrou is sedertdien in aanhouding en sal na verwagting vandag (Maandag) in die plaaslike landdroshof verskyn op aanklag van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Martie

Wel ek reken dit was die laaste keer wat hy aan ‘n vrou sal klap!

loddertjie

Wow! Sy was omtrent kwaad?

Persheks Adri

Laat hy maar vir hom kry as sy hande los is! Geen man sal my klap nie

Gert

Geen rede maak nie saak hoe kwaad jy is om aan jou maat te klap nie man of vrou

Belinda

Kom ons kyk hoe speel dit af, siende ons gereg ook gekant is teen “gender-violence” – maar ja n storie het ook twee kante…