Vrou wreed aangeval by Fort Klapperkop

Foto: Hi-Risk Unit

Foto: Hi-Risk Unit

ʼn Vrou is Saterdagmiddag wreed deur vier mans aangeval toe sy en haar man by Fort Klapperkop in Pretoria fietsgery het.

Volgens Hi-Risk Unit-veiligheidsdienste het die aanval op een van die roetes naby Fonteinesirkel plaasgevind. “Die vrou het ʼn ent voor haar man gery toe sy deur die vier mans gedwing is om stil te hou. Hulle het haar in die bosse ingetrek en haar herhaaldelik met ʼn klip geslaan.” Die vrou kon daarin slaag om haar valhelm aan te hou en het dit moontlik haar lewe gered.

“Sy het geskree en die aanvallers probeer afweer terwyl hulle haar gewurg het. Haar man was onbewus van wat aangaan en twee van die aanvallers het na hom gaan soek. Hy kon daarin slaag om by ʼn pad uit te kom waar hy ʼn veiligheidsmotor gevind het. Hulle wou hom glo nie help nie en hy het met sy fiets teruggery om na sy vrou te gaan soek. Sy vrou kon intussen wegkom en het in die rigting van die R21 gevlug waar ʼn motoris haar opgelaai en na veiligheid gebring het.”

Foto: Hi-Risk Unit

Foto: Hi-Risk Unit

Hi-Risk Unit is ontbied en het onmiddellik na die aanvallers begin soek. Volgens dié eenheid het “inwoners in die omgewing en vriende van die slagoffers die span bygestaan. Ons het reg deur die nag gesoek en sal vanoggend voortgaan met die soektog.”

Die jongste voorval kom nadat ʼn fietsryer twee weke gelede aangeval en van sy fiets beroof is. Talle gewelddadige aanvalle het die afgelope paar maande by Fort Klapperkop plaasgevind sowel as in die nabygeleë Groenkloof-natuurreservaat. Veiligheid in dié reservaat is intussen opgeskerp.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

46 Kommentare

jongste oudste gewildste
Frans C

Afgeleë plekke soos die is onveilig. Waar ek aan die Rand bly is daar parke wat selfs deur die polisie as onveilig beskou word en waar ‘n mens liewer moet wegbly.

Dirk Kroonstad

Wie se veiligheidsmotor wou nie help?

Johann Marx

“Talle geweldadige aanvalle het die afgelope maande by Fort Klapperkop plaasgevind”….Nou hoekom ry ongemerkte polisiemanne tot die tande toe gewapen nie daar fiets en betrek die “aanvallers” in ‘n lokval nie? Terwyl daar in die omliggende hoogtes ‘n paar skerpskutters lê en wag nie? Wil jy sien hoe kry hierdie tipe gedrag onmiddelik end?

Grap

Die mense wat daar fietsry en oefen moet nie die plek vermy nie oefen net in groter groepe en bewapen julself en verdedig julself teen hierdie rassistiese lafaards want dit is een ras wat die ander aanval en dit is feite.

Eddy

Daar was minder sulke gevalle toe ons nie so tussen mekaar gebly het nie