Vrou wreed aangeval op plaas

Argieffoto: Reint Dykema

ʼn 61-jarige vrou is op ʼn plaas tussen Sannieshof en Ottosdal in Noordwes aangeval.

Lt.kol. Amanda Funani, woordvoerder van die polisie, het aan Maroela Media gesê die voorval het Vrydag omstreeks 01:15 plaasgevind. Die vrou was alleen ten tyde van die voorval.

“Twee aanvallers met klapmusse aan het die deur oopgebreek om toegang tot die huis te verkry,” het Funani gesê.

Marius Müller, nasionale veiligheidskoördineerder van AfriForum, het gesê hulle het die veiligheidshek by die slagoffer, Blackie van den Berg, se kamerdeur ook glo afgebreek.
“Van den Berg is erg aangerand,” het Müller gesê. “Sy het alleen op die plaas gewoon nadat haar man dood is.”

Volgens Funani het die aanvallers met die slagoffer se selfoon, ʼn onbekende hoeveelheid kontant en ʼn vuurwapen gevlug.

Die vrou is tans in die hospitaal vir mediese behandeling. Nantes Kelder, hoof van AfriForum se trauma-eenheid, het gesê hulle sal Van den Berg bystaan met berading.

Die twee verdagtes is nog nie vasgetrek nie en word deur die polisie gesoek. Die ondersoek duur voort. ʼn Saak van huisroof word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
Charmaine coetzee

Siek mense in die wereld

T

Nog n eye opener moenie jou vuurwapen toesluit in n kluis as jy alleen op n plaas is nie. Hou hom binne bereik. Sterkte!

Riaan Myburgh

Jy hoef nie. Hulle gaan vir ewig in die hel brand.

Mellie

Vrou alleen, bejaard en uitgelewer aan monsters wat deure afbreek en deur mure breek. Is daar ‘n groter nagmerrie?

Lynette Schultz

Mellie, jy vat die woorde so uit my mond!