Vrou wreed tydens plaasaanval vermoor

Argieffoto

ʼn 70-jarige vrou is Woensdagaand wreed op ʼn plaas in die Tongaat-omgewing in KwaZulu-Natal vermoor.

Lt.kol. Thulani Zwane, woordvoerder van die polisie, het gesê die voorval het op die plaas Spioenkop in die Umhlali-patrolleringsgebied gebeur. Volgens Zwane het die 77-jarige man omstreeks 21:00 by die huis gekom en uit die voertuig geklim om die hek oop te maak.

Drie aanvallers het die man oorval, hom in die huis in gedwing en die deur gesluit. “Hulle het die man se hande en bene vasgebind en hom op die vloer neergegooi,” het Zwane gesê.

Die aanvallers het die egpaar erg aangerand. “Hulle het ook sy vrou se hande agter haar rug vasgebind en haar mond toegebind. Hulle het haar daarna vir dood in die slaapkamer agtergelaat.”

Paul Herbst, woordvoerder van IPSS Medical Recue, het gesê die aanvallers was glo met messe gewapen.

Volgens Zwane het die aanvallers daarna die huis geplunder voordat hulle op die vlug geslaan het. Dit is nog nie duidelik wat alles uit die huis gesteel is nie, maar Herbst sê ʼn haelgeweer is vermoedelik een van die items wat gesteel is.

Omstreeks 05:00 kon die man daarin slaag om regop te kom met sy hande steeds vasgebind en het om hulp geroep. ʼn Nabygeleë werker het hom gehoor en dadelik hulp ontbied. ʼn Oudpolisieman kon die deur oopbreek, die man losmaak en het met hom na ʼn hospitaal gehaas. Die man se vrou was egter reeds dood.

Zwane kon die egpaar in dié stadium slegs as mnr. en mev. Govender identifiseer. Volgens Herbst is Govender glo ʼn suikerrietboer.

Sake van moord en huisroof word ondersoek. Niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Hanna

Nee, nee en n honderd keer NEE! Ons kan nie meer nie. Lindiwe Sisulu, het jy nog meer bewyse nodig??? Cry, my beloved country, cry!

Meonè

Hul sal daardie moordenaars ook nie kry nie want dis mos “Boere” Die boere sorg vir die kos & die huidige regering draai hul koppe weg & maak dit nie prioriteit om landelike gebiede te help beveilig of om die misdadigers aan die pen te laat ry nie..

Anoniem

Nog n plaas aanval dit speel op ootlog af regtig ons mense word so uitgemoor en noubid diet nog gewysig vir grondonteiening wat nog

SIES

WAAR IS DIE DA ABROAD NOU????? Julle beweer daar is nie ‘n aanslag op WITMENSE SE LEWENS op plase nie tog word daar nou al TWEE MENSE per dag vermoor in 8 aanvalle oor 2 dae???? Julle moet wakkerword of terugkom SA toe dat julle die wreedhede hier kom sien en ervaar … RIV my tannie . so jammer dat die regering in die Grondwet NET hulle eie mense beskerm en NIE diegene wat die land OPGEBOU Het en nou net in vrede wil aftree nie .. SKANDELIK!!

So jammer

EN so begin die minderheidsgroepe een vir een uitgewis word .. die persone uit ander minderheidsgroepe MOENIE dink dit gaan by die wittes bly nie .dit het net by die wittes BEGIN . julle ander MINDERHEDE Moet wakkerskrik . julle is nie deel van die ANC en EFF se plan nie .. RIP tannie. My innige simpatie vir die familie en vriende!