Vrystaat-brande: Klagte teen Ndlozi gelê vir aanhitsing

EFF-woordvoerder Mbuyiseni Ndlozi. (Foto: Facebook)

Die Demokratiese Alliansie het Donderdag strafregtelike aanklagte aanhangig gemaak teen Mbuyiseni Ndlozi, EFF-LP, vir aanhitsing tot brandstigting ná ʼn liedjie wat hy in Senekal gesing het.

Die liedjie se woorde kan vertaal word met “roep die brandweer, brand hierdie Boere”.

Natasha Mazzone, hoofsweep van die DA, het in ʼn verklaring gesê dié woorde is nie net vol haat nie, maar dit is ook aanhitsing tot brandstigting, geweld en anargie deur Ndlozi en sy “mede-EFF-kwasi-revolusionêres”.

Die DA veroordeel Ndlozi se uitsprake ten sterkste. “Dit is ʼn teken van sy absolute minagting vir die veiligheid van landelike gemeenskappe en hulle lewens, en ʼn teken van sy eie en sy party se algehele minagting van demokrasie, die wet en privaat eiendomsreg.”

Duisende hektaar grond in die Vrystaat is deur brande verwoes. “Alhoewel die oorsaak van die brande nog onbekend is, weet ons dat ʼn politikus wat liedjies sing dat ‘die brandweer geroep moet word’ en ‘die Boere moet brand’, dit gevolg is deur grootskaalse verwoesting.”

Mazzone sê die EFF is bekend daarvoor dat hulle geweld en verwoesting aanhits. “Hulle wil eerder sien hoe Suid-Afrika afbrand in hul strewe na hul eng politieke belange. Die DA sal nie net staan en kyk hoe fascistiese, rassistiese boelies soos die EFF die wette van die land minag nie. Die DA is ʼn party van reëls, wette, grondwetlikheid en demokrasie.”

Die DA het strafregtelike aanklagte teen Ndlozi aanhangig gemaak en ʼn klag ingedien by die parlementêre etiekkomitee. “Ons het die uitsprake ook na die Menseregtekommissie verwys om die woorde van die liedjies te ondersoek en dit as haatspraak te verklaar. Dit is tyd dat die parlement, hoofstuk 9-instansies en wetstoepassers hul tande wys en stappe doen teen die EFF se boewery en geweld. Hierdie instansies moet op die voorpunt wees om ons demokrasie te beskerm. Hulle kan nie in die skadu’s wegkruip nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Rentia

Uiteindelik DA… dis jammer dat die Vrystaat eers moes afebrand word VOOR julle wakker geword het. Sal daar egter iets gebeur van waarde met hierdie saak?

PieterP

Daar sal niks van kom nie. Hulle is die ANC se puppets om te sien hoe vêr die res van ons minder liberales gedruk man word voordat die modder spat

koos10

Dis al wat die EFF doen. Saai onmin en sweep mense op. Seker om die aandag van hulle korupsie af te trek.

Michael

Hulle doen net die vuilwerk vir die ANC-die ANC sit eintlik agter alles. Niks sal met hom en EFF gebeur nie. Minister van polisie sit dan langs hul leier in die hof terwyl die terroriste buite maak en breek soos hul wil

Jaco

Waarom kan al die wit mense van SA nie net gedeporteer word nie? Die ANC en die EFF hou dan nie van ons nie. Stempel groot in elke paspoort “Return to South Africa is forbidden for the holder of this passport”. Dan sal Europa, Amerika, Kanada en Australië gedwing wees om ons in te vat”.