Die polisie is op die spoor van ʼn jong meisie van Thaba ’Nchu, digby Bloemfontein in die Vrystaat, wat aan die begin van die week as vermis aangemeld is.
Thandi Mbambo, woordvoerder van die polisie, sê die 11-jarige Karabo Thekiso van Ratlou in Thaba ’Nchu is Maandag omstreeks 17:00 die laaste keer deur een van haar maats naby ʼn plaaslike winkel in die dorp gewaar.
Thekiso het ʼn swart kleefbroek met pienk blomme op, ʼn lemmetjiesgroen trui en maroenkleur tekkies aangehad op die dag van haar verdwyning.
“Enigiemand met inligting wat die polisie kan help om Thekiso op te spoor, word versoek om lt.kol. Naledi Diphoko by 082 784 3332 of die misdaadnommer by 10111 te bel,” sê Mbambo.
Dit is gevaarlik om ‘n plaasboer te wees in Suid Afrika. Dit is ook gevaarlik om ‘n polisie beampte te wees in Suid Afrika. Dit is selfs gevaarlik(er miskien) om ‘n vrou of ‘n kind te wees in Suid Afrika. Dit is gevaarlik om blank te wees in Suid Afrika. Eintlik is dit gevaarlik om ‘n inwoner te wees van Suid Afrika. Vreemd dat sommige Afrikaanse name kritiek uitspreek teen Donald.
” Donald.” ?????
Ons bid saam die familie dat sy veilig opgespoor word.