Argieffoto
ʼn 31-jarige vrou van Trompsburg in die Vrystaat is in hegtenis geneem nadat sy glo haar man met ʼn mes vermoor het.
“Die vrou was Sondag op pad na hul huis in Mandela Square toe ʼn onbekende vrou by haar erf uitgestap gekom het,” het konst. Peter Kareli, woordvoerder van die polisie in die Vrystaat, in ‘n verklaring gesê. “Die vrou het na haar huis toe gehaas en met haar 34-jarige man begin baklei.”
Die vrou het glo tydens die woordewisseling ʼn mes gegryp en haar man een keer in sy bors gesteek. “Die polisie is ontbied, maar die man was reeds dood toe hulle by die toneel opgedaag het,” het Kareli bygevoeg.
Die vrou sal na verwagting Woensdag in die Trompsburg-landdroshof verskyn op aanklag van moord.
Moord word beplan. En ai tog, hoeveel van ons wou al in so situasie iemand doodmaak.
Ek kan net dink hoe moet dit voel as jou maat dalk ontrou is. As sy liewer eers omgedraai het en af gekoel het.
Hartseer, hartseer, as sy liewer omgedraai het.