Vrystaatse leeuboer vrygelaat

Pieter Swart (Foto: Facebook)

Pieter Swart, die leeuboer wat verlede week op sy plaas naby Kroonstad in die Vrystaat aangeval en drie vermeende aanvallers uit beweerde selfverdediging doodgeskiet het, is Maandagmiddag uit aanhouding vrygelaat.

Maroela Media het vroeër berig Swart is verlede week ná die aanval in hegtenis geneem op drie aanklagte van moord nadat ’n voorlopige ondersoek deur die polisie op ’n “ander weergawe” van die aanval gedui het as dié wat hy aanvanklik gegee het.

Swart sou na verwagting vandag in die plaaslike landdroshof verskyn. Die saak is egter nooit op die hofrol geplaas nie.

FC Schilling, Swart se regsverteenwoordiger, het buite die hof aan Maroela Media bevestig dat Swart uit aanhouding vrygelaat is aangesien daar geen prima facie-saak is nie.

Nog drie verdagtes sou na verwagting ook vandag verskyn in verband met die aanval.

Maroela Media verneem dat dié drie daarvan beskuldig word dat hulle met die vermeende aanvallers saamgeweer het om ’n misdaad te pleeg.

Die verdagtes, twee mans en ʼn vrou, is almal in hul laat twintigs. Hulle het egter teen middagete nog nie in die hof verskyn nie.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
LD

Dis ñ vreeslike deurmekaar storie dié!

katerinadiekat

Dis goed!

Kosie

Wat gaan hier aan is julle nou bang as die boere begin terug skiet nou probeer julle hulle afskrik

Juffrou

Wéér totale onbevoegdheid! Hoekom die arme man toesluit? Gaan sluit die korruptes en diewe en kriminele toe. Julle hoef nie eens speurwerk te doen; die name is reeds bekend.

John

Baie bly vir jou Piet, strongs