VSA bevestig Trump se twiet

Pres. Donald Trump se twiet.

Die Amerikaanse departement van buitelandse sake het gereageer op pres. Donald Trump se twiet oor Suid-Afrika deur te sê grondonteiening sonder vergoeding kan Suid-Afrika op die verkeerde pad stuur.

Trump het vroeg Donderdagoggend (Suid-Afrikaanse tyd) opspraak gewek met ʼn twiet waarin hy sê dat hy opdrag gegee het dat Mike Pompeo, die Amerikaanse minister van buitelandse sake, die grondkwessie en plaasmoorde-krisis in Suid-Afrika ondersoek.

Heather Nauert

Heather Nauert, woordvoerder van die departement, het tydens ʼn mediakonferensie Donderdagaand (plaaslike tyd) gesê Trump en Pompeo het die kwessie in die “laaste dag of so” bespreek.

“Die president het die minister gevra om noukeurig te kyk na die huidige stand van aksie in Suid-Afrika rakende grondhervorming. Dit is iets wat al vir baie dekades aan die gang is – die gesprek en debat oor grondhervorming daar. Ek moet noem dat die onteiening van grond sonder vergoeding die risiko inhou om Suid-Afrika op die verkeerde pad te stuur.”

Mike Pompeo

Nauert het gesê indien beleid swak toegepas word, is daar potensieel nadelige politieke en maatskaplike ekonomiese kwessies.

Nauert het ook bevestig dat die Amerikaanse ambassade in Pretoria met Suid-Afrika se departement van internasionale betrekkinge en samewerking (Dirco) vergader het.

Dirco het ná Trump se twiet ʼn vergadering met die Amerikaanse ambassade versoek. Ndivhuwo Mabaya, woordvoerder van Dirco, het gesê minister Lindiwe Sisulu het kennis geneem van die “jammerlike uitsprake” deur Trump. “Dit is jammer dat hierdie twiet gegrond is op valse inligting,” het Mabaya gesê.

Tucker Carlson

Hoewel Nauert bevestig het die vergadering het plaasgevind, kon sy nie uitbrei oor wat bespreek is nie.

Trump het glo getwiet ná hy ʼn program op die TV-kanaal Fox News gekyk het waarin die aanbieder, Tucker Carlson, die kwessies van grondonteiening sonder vergoeding en plaasmoorde onder die loep geneem het.

Tucker het die volgende aand weer die kwessies tydens sy program bespreek en spesifiek die uiteenlopende reaksie op sy vorige program.

Malema tydens gister se mediakonferensie.

Hy het tydens die uitsending die uitlatings wat op sy program gemaak is, verdedig. Hy het ook tydens die uitsending beeldmateriaal gespeel van Julius Malema, leier van die EFF, se uitlatings die afgelope paar jaar rakende wit mense en grond.

Tucker het spesifiek ook verwys na die uitlatings wat Malema gister tydens ʼn mediakonferensie gemaak het rakende Trump se twiet.

“Donald Trump sê nie iets wat ons nog nie van wit mense af gehoor het nie,” het Malema gesê. “Daar is ʼn groep wit regses wat deur Jode in Pretoria opgelei word om skerpskutters te word,” het hy beweer. Hy het ook gesê daar is net een ding wat hulle van stryk sal bring rakende hul planne vir grondonteiening sonder vergoeding. “Net die dood sal ons stop. Nie Trump nie. Nie armoede nie. Nie sanksies nie.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
PP

Yes please! Ag Malema ROFL een van ons aircraft carriers is grootter as die SANDF! Kom vat die VSA aan dan kyk ons wat gebeur. Trotse Yank!

Leser

Asb Trump…maak ‘n plan!

LB

As MALema hom nie steur aan Trump nie hoekom dan so geweldig reageer?

Joshua

Viva Donald Trump, VIVA!!!!!

onbekend

Malema en ANC speel nou met die verkeerde mense. Hulle ken blykbaar nog nie die mag van VSA nie. Hoogtyd iemand begin ingryp. ANC is so vol leuens dit maak mens siek. Alles moet tog eendag op n einde kom, Malema meer bek as binnegoed dis hoekom hy agter ander wegkruip,