VSA swartlys Gupta-broers

Mike Pompeo, die VSA se minister van buitelandse sake.

Suid-Afrika se minister van justisie sê hy het kennis geneem van die VSA se besluit om sanksies teen Ajay Gupta, sy broers, Atul en Rajesh, asook Salim Essa in te stel.

Die Amerikaanse departement van finansies se kantoor vir buitelandse batebeheer (OFOC) het dié stap Donderdag laat aangekondig. Dit is gedoen weens hul “betrokkenheid by korrupte bedrywighede met staatsamptenare en amptenare van staatsbeheerde instellings vir hul eie persoonlike gewin”, het die Amerikaanse minister van buitelandse sake, Michael Pompeo, gesê.

“Ná vandag se optrede word enige eiendom, of belang in eiendom in enige Amerikaanse jurisdiksie, verbied. Amerikaners word in die algemeen ook verbied om sake te doen met verbode persone, asook entiteite wat deur hulle besit of beheer word.”

Pompeo het voorts gesê die optrede dui op die VSA se deurlopende verbintenis tot deursigtigheid, verantwoordbaarheid en regspleging wêreldwyd.

“Ons loof die rol wat Suid-Afrikaanse burgerlike aktiviste, fluitjieblasers en ondersoekende joernaliste gespeel het om die soeklig te laat val op die Gupta-netwerk se uitlokking van misdaad in staatsdepartemente, asook ander korrupsie. Dit het beleggers afgeskrik en Suid-Afrika se ekonomiese groei belemmer.”

Die VSA sê hy steun die Suid-Afrikaanse regering se pogings, ook dié deur sy regbank, kommissies van ondersoek en wetstoepassingsagentskappe, om die voorvalle van beweerde korrupsie te ondersoek en betrokkenes te vervolg.

Pompeo het gesê suksesvolle vervolgings is belangrik om ʼn toekoms van verantwoordbare regering te verseker, waar ekonomiese geleenthede vir alle Suid-Afrikaners geskep word.

Ajay en Atul Gupta. (Foto: ANA)

Suid-Afrika se minister van justisie, Ronald Lamola, het die VSA se optrede verwelkom en sê die lande het ʼn lang geskiedenis van samewerking.

“Die belang van geregtigheid mag nooit gekniehalter word deur enige grens nie en mense moet sien dat geregtigheid geskied sonder vrees of vooroordeel,” het Lamola gesê.

Die Gupta-broers word nou verbind met bewerings van staatskaping in Suid-Afrika. Essa, een van die omstrede familie se luitenante, het na bewering ʼn sentrale rol in die familie se sakenetwerk gespeel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
A-nee-a

Die mate van skelmgeit van die Guptas ken geen einde nie!

Waarheid

Mooi man!
Wat jy saai sal jy maai!!!

Gert van Wierdapark

Pateties dat die a en see regering nie lankal dieselfde met die Gupta’s gedoen het nie!

Johan

Goeie nuus!

dennis jones

ons moet nie Naspers se rol vergeet nie ,wie gaan hulle laat antwoord,hulle het geheul met die Guptas om invloed by Zuma te kry, die ANN7 nuus kanaal is jare lank gedra teen n verlies deur Naspers,die skynheilige spul