VSA wens Ramaphosa geluk

Pres. Cyril Ramaphosa tydens die inhuldigingsgeleentheid. (Foto: SA Government via Twitter)

Die Verenigde State het pres. Cyril Ramaphosa gelukgewens met sy inhuldiging as president Saterdag.

“Die Verenigde State sluit aan by Suid-Afrikaners en die wêreld in hul gelukwense aan Cyril Ramaphosa met sy inhuldiging as president van die Republiek van Suid-Afrika en wil lede van die sesde demokraties verkose parlement ook gelukwens,” het die Amerikaanse ambassade in ʼn verklaring gesê.

“Ons sien daarna uit om saam met Suid-Afrika te werk om ekonomiese groei en wedersydse handel en beleggings te bevorder, asook om Suid-Afrika se pogings te steun om die MIV/vigs-pandemie te beëindig deur die Amerikaanse president se noodplan vir vigsverligting (Pepfar).

“Ons koester ons verhouding met Suid-Afrika en wil aanhou belê in die vennootskap met die nuwe regering, asook in mens-tot-mens-skakeling deur ons opvoedkundige, kulturele en professionele uitruilprogramme.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

92 Kommentare

jongste oudste gewildste
Wouter

Vir wat? Dat die miljoene weer vir n korrupte regering gekies het? En so sit nog niemand met sy oranje oorpakke aan nie.

Laetitia

Ek hoop Pres.Ramsphosa hou gestand by sy beloftes. Ek moet met alle eer se gister se inhuldiging het my trots gemaak. Ons soldate die lugmag met hul asemrowende vertoning het soveel grasie aan die dag verleen.

Andreas

Jip, en dan kan julle by hierdie skakel, daar aan die onderkant van die kommentare na ‘n kort videotjie van die verrigtinge kyk: https://maroelamedia.co.za/nuus/sa-nuus/sa-verbeter-maar-mense-bly-bekommerd/

piet piet

Die VSA ambassade miskien maar ons weet almal wat Presedent Trump van hierdie piesang republiek dink.

Spyker

Ja. Veral toe hul met die valskerm teen n mortoer gebots het…..baie grasiues.