Vuilste hoofstad in SA aangewys

Mafikeng (Foto: Google Maps)

Mafikeng, die hoofstad van Noordwes, is die vuilste hoofstad in Suid-Afrika.

Só sê Hannes Schutte, VF Plus-LPW in die Noordwes-wetgewer, ná die wetgewer se openbarerekeninge-komitee en die ouditeur-generaal saam met die Mafikeng-munisipaliteit se stadsraad vergader het.

Gedurende dié vergadering het die ouditeur-generaal onder meer foto’s voorgelê waarop gesien kan word hoe rou riool op verskeie plekke in die stad en selfs tot in die Moloporivier loop.

Van die foto’s bevat ook bewyse van rou riool wat al sedert Februarie 2017 voor ʼn skool verbyvloei en ʼn ernstige gesondheidsrisiko vir van die kwesbaarste lede van die gemeenskap, naamlik kinders, inhou.

Rommel word op openbare terreine gestort, aan die brand gesteek of deur diere gevreet. Dit stink en besoedel die atmosfeer, en is boonop byna oral te sien.

Volgens Schutte is rommel en riool egter nie die enigste probleme wat deur die Mafikeng-munisipaliteit ondervind word nie.

Volgens die OG se verslag is daar geen interne beheermaatreëls vir die behoorlike bestuur van die munisipaliteit nie, nog minder vir die beplanning, bestuur en onderhoud van die munisipaliteit se infrastruktuur, soos onder meer rioolstelsels. Verliese aan water en elektrisiteit vier maandeliks hoogty.

“Die stad Mafikeng word al vir 20 jaar deur die ANC-regering bestuur en hulle kon kwalik meer regkry as om dit in ʼn stinkende ashoop ter aanklag van hulle onvermoë te verander,” het Schutte gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

79 Kommentare

jongste oudste gewildste
Rudi

Klink amper soos elke dorp en stad deesdae. Die vrugte van transformasie.

Michael

Hoekom is dit nie n verassing nie ??

Koos1

Nog ‘n goeie storie om te vertel?

Lba

Het iemand al gaan kyk en ruik na port alfred.praat van vuil en viesliken dan kan n donkie sy bene breek in sypaadjies en strate. Dit is vol gate en rommel gestrooi

cor

Rudi jy praat die waarheid. Kyk ek anderdag n program op TV en jy sien feitelik die hele Afrika lyk so. Op n ander program was ek nogal verbaas om te sien Swasiland lyk baie netjieser as in SA daar le nie sommer rommel en papiere in die strate nie,dit laat mens maar net wonder oor opvoeding en bestuurs vermoe