Vullisverwyderaar se arm beland in vullistrok

Die vullistrok waarin die man se arm beland het. (Foto: Netcare911)

’n Vullisverwyderaar is Dinsdagoggend met ’n helikopter na ’n hospitaal vervoer nadat sy arm in die hidrouliese vullispers van ’n vullistrok in die ooste van Pretoria beland het.

Shawn Herbst, woordvoerder van Netcare 911, sê paramedici is omstreeks 08:22 na Mooikloof Glen ontbied waar hulle met hul aankoms ’n ernstig beseerde vullisverwyderaar aangetref het.

Die man se linkerarm het in die vullistrok se hidrouliese vullispers beland terwyl dit toegegaan het.

Die man is op die toneel gestabiliseer terwyl die stad se brand-en-reddingsdienste gespook het om sy arm met behulp van hidrouliese toerusting te bevry.

’n Helikopter is weens die aard van die man se beserings ontbied en hy is na ’n spesialiskliniek gevlieg vir mediese behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
JM

Sjoe, dit moet baie erg wees. Hoop hy behou sy arm.

JohanEtz

Gesoute vulliverwyderaars deursoek sakke alvorens dit in die bin gegooi word…..