Die polisie het Vrydag tydens ʼn klopjag beslag gelê op ʼn versameling wapens en ammunisie by ʼn huis in Parkwood in die Wes-Kaap.
Kapt. FC van Wyk, woordvoerder van die polisie, het gesê beamptes van die misdaadbekampingseenheid by die Grassy Park-polisiestasie het ʼn wenk ontvang oor vuurwapens wat by ʼn huis in Falconrylaan in Parkwood versteek word.
“Beamptes het na die betrokke adres gegaan en beslag gelê op een twaalfboorhaelgeweer, drie .38-vuurwapens, twaalf .45-patrone, 21 haelgeweerpatrone en tien .38-patrone,” het Van Wyk gesê. “Alle vuurwapens het reeksnommers.”
Twee mans, onderskeidelik 34 en 48 jaar oud, is in hegtenis geneem op aanklag van die besit van ongelisensieerde vuurwapens en die besit van ammunisie.
Die mans sal na verwagting binnekort in die Wynberg-landdroshof verskyn.
4 wapens is ni n versameling ñie.
Ek stem Bignic dis n groot grap. Kan nie gloo daar word so ophef gemaak van dit nie.
Soos die Engelsman sy skouers sou ophaal en se
So what?????????
Binne ‘n paar weke dan is daai wapens weer opstraat.
Ek stem. Selfde wapens wat vir toekomstige woorde gebruik sal word
Nee, dis nie juis ‘n groot vonds nie, maar hei, elke bietjie help!