Vyf dood, vrou kritiek ná Limpopo-botsing

(Foto: ER24)

Vyf mense is dood en ʼn sesde persoon kritiek beseer toe ʼn bakkie en ʼn motor Vrydagoggend op die R71 tussen Haenertsburg en Moria in Limpopo gebots het.

Russel Meiring, woordvoerder van ER24, sê paramedici is omstreeks 07:00 na die ongelukstoneel ontbied. “Hulle het die bakkie en die motor in die middel van die pad aangetref. Albei voertuie het erge skade in die botsing opgedoen,” het hy gesê.

By nadere ondersoek het paramedici gevind vyf insittendes van die motor, twee vroue en drie mans, het in die ongeluk omgekom. “Drie van hulle is in die voertuig aangetref, terwyl ʼn vierde persoon so ʼn paar meter weg van die voertuig af gelê het. ʼn Vyfde persoon is onder die voertuig aangetref,” het Meiring gesê.

Paramedici kon egter niks meer vir dié slagoffers doen nie en hulle is dood verklaar.

“’n Vrou is op die bestuurdersitplek van die bakkie aangetref. Sy het verskeie beserings opgedoen en was in ʼn kritieke toestand,” sê Meiring. “Paramedici kon daarin slaag om die vrou uit die wrak te bevry en het haar op die toneel behandel voordat sy na Mediclinic Tzaneen gehaas is.”

Die oorsaak van die botsing word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

18 Kommentare

Leonie ·

IK ek stem. Dit is skokkend hoe mense by Magoebaskloof wat reeds ‘n gevaarlike pas is af en op jaag, oor die spoedgrens, oor sperstrepe, sonder ligte in mistige weersomstandighede. Met die mede padgebruikers is dit net genade as ‘n mens anderkant uitkom.

TinRSA ·

Elke berig wat ek lees oor hierdie ongeluk verskil van die ander en nie een is reg nie. Ons bly in Tzaneen en het vanoggend met vriende van die vrou gepraat. Sy is oorlede. En was die 5e persoon.

Craig ·

IK is doodreg, ek ken daai pad soos die palm van my hand, mense bly nie in hul baan om daai kronkels nie en beland in aankomende verkeer. Draaie is blind so jy sien eers die kerels as hul reg voor jou is.

Johan ·

Let op die sperstrepe en dan weet jy wat die waarskynlike oorsaak van die ongeluk is…..

Alwyna ·

Nie noodwendig die bakkie se skuld nie. Onthou met n botsing word voertuie meters ver gegooi

marous ·

Daar is GEEN wets toepassers nie . Daar is honderde verontagsamings van sperstrepe per dag op die stuk pad en daar word NIKS gedoen nie . Moordenaars agter stuurwiele !

Susan ·

Dis die einste rede waaroor ek nooit Magoebaskloof se pad ry nie. 7 uur in die oggend kan jy nie eers 5 meter voor jou sien nie, hopeloos te mistig. Ek verkies eerder om Modjajdi’s kloof te ry.

Ronel ·

Dubbel sperstreep, draai, vat ‘n wilde raai wat die oorsaak is….

Jozi ·

Dankie Tannie met die bakkie…

Ek lees elders sy het aan d verkeerde kant van die pad gery en dit was die oorsaak van d ongeluk.

Pragtige stuk pad daardie, maar die spoedgrens van 80 is daar vir ‘n baie goeie rede.

En nou het daar vyf onskuldige mense vanoggend gesterf omdat iemand besluit het sy mag maar die padreëls verontagsaam.

Janpierewiet ·

Almal van julle foutlose mense wat hier komentaar lewer, was jy self daar om te sien wat gebeur het?
Wie gee julle die reg om te oordeel?
Die feit dat die bakkie aan die verkeerde kant van die pad was, beteken nie dat die bestuurder daar gery het of n ander voertuig verby gesteek het teen die sper streep nie.
Sy kon uit geswaai het vir iets, gegly het op die nat pad, sy kon dalk perongeluk uit haar baan gaan in die digte mis……..vir al wat ons weet moes sy uitswaai vir n voertuig wat in haar baan was en verloor toe beheer en beland voor aankomende verkeer.
Daarom word dit n ongeluk genoem. Wees versigtig voor julle net oordeel sonder om te weet wat gebeur het. Ek ken die bestuurder van die bakkie en kan jul verseker dat sy nie die roekelose tipe is nie, wat daar gebeur het sal ons nooit weet nie, want sy is nou ook oorlede. En sy laat self 3 stukkende kinders agter. Tel julle woorde.

Alwyna ·

Nie noodwendig die bakkie se skuld nie. Onthou met n botsing word voertuie meters ver gegooi. Stem saam met Janpierewiet

IK ·

Dis waar ‘n wettig verpligte kamera (dashcam) in elke voertuig enige bespiegeling sal uitskakel.

Connie Georgiou ·

Amen. Stem saam met jou Janpierewiet
A paar giftige tonge hier. Sies vir julle.

Martie ·

Ons bly in Tzaneen. Daar is weekliks meer as een ongeluk, veral trokke terwyl hulle nie daai pas mag gebruik nie. Hulle ongelukke veroorsaak mors van diesel op die pad en as die pad nat is kan dit erge navolge he, nie altyd spoed nie, dit het met ons gebeur. Dit het wel gereen toe die ongeluk gebeur het en daar was baie mis.

Toela ·

My drywer het vir 10 jaar lank daardie pad gery Phalaborwa toe om koerante af te laai, 7dae van die week, was nooit in n ongeluk betrokke. Baie gewonder as ek nie elke dag vir hom gebid het wat sou gebeur. Ekself ry elke week Tzaneen toe vanaf Polokwane en is verstom hoe dit op daardie pad gaan. steek 4 voertuie by dubbel sperstreep verby om n draai, sonder ligte in die mis en jaag soos besetenes. Kyk maar die duur motors se registrasie nommers GP.

A Mac ·

In al die jare wat ek daardie pad ry het ek nie juis vreeslik verkeersdepartement aktiwiteite op daardie pad gesien nie. Die beamptes sit gewoonlik net by die kruising by Hoërskool Merensky. Dalk moet die verkeersowerhede daaraan dink om oorhoofse kameras op plekke in die kloof te sit wat probleem areas met ongelukke is om fotos te neem van die oortreders en dit dan aan hulle te pos met ‘n boete soos wat sommige munisipaliteite doen met spoedoortredings in hulle gebied. Ek kan maklik my dashcam laat “weg raak” indien ek die oorsaak van ‘n ongeluk was.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.