Vyf seuns sterf in brand

brand vuur vlam

Argieffoto (Foto: Alexas_Fotos, Pixabay)

Vyf seuns het Vrydagnag in ʼn brand in die Masiya- informele nedersetting in Philippi, Kaapstad, doodgebrand.

Die brand het omstreeks middernag ontstaan. Ongeveer 30 inwoners van die nedersetting is deur die brand dakloos gelaat.

Pres. Cyril Ramaphosa het Saterdag gesê die tragedie plaas weer eens die kollig op die gevare wat talle Suid-Afrikaners, veral gedurende die wintermaande, in die gesig staar. “Hierdie tragedie raak en affekteer ons almal as Suid-Afrikaners, veral tydens Jeugmaand wanneer ons fokus is op die skep van beter lewens vir jongmense,” het Rampahosa gesê.

“Die regering het sedert 1994 al aansienlike vordering gemaak in die ontwikkeling van menslike nedersettings, maar tragedies soos hierdie herinner ons aan hoeveel werk nog gedoen moet word om behuising, veiligheid en gerief aan alle Suid-Afrikaners te bied.”

Die president het sy medelye teenoor die families van die oorledenes en die mense wat dakloos gelaat is uitgespreek. Hy het gesê die regering sal die gesinne wat geraak word bystaan.

“Ons sal ook in ons gemeenskappe werk om bewusmaking te skep rondom veiligheidsmaatreëls veral nou wanneer gesinne verskeie vorms van brandstof en verhitting gebruik om warm te bly.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Dis so

Ja ja net julle weet van die vordering. Niemand anders weet daarvan nie behalwe die goeie vordering wat by nkandla gemaak is met die “fire pool” om so tragedie daar te vermy. Dis net ongelooflik hoe vinnig die slagoffers se families van een bevolkings groep met my belasting geld bygestaan kan word. Nee wat ons wittes is slapgat om dit so ver te laat gaan het. Ons kan wragtig net onsself blameer.

Lagmaar

Net weer vir oulaas n apartheid verwysing maak, nê mnr die “presedent”?

Gemaskerde Sopbeen

As die regering misdaad onder beheer gehad het, kon elke baksteen wat vandag in veiligheidsmure vas gemessel is gebruik gewees het om vir mense huise te bou. En as die regering eerder “rentevrye” lenings toegestaan het aan werkende mense om vir hulle eiendom mee te koop, in plaas van alles “gratis” te belowe”, kon baie meer gesinne al huise gehad het in plaas daarvan om te wag vir die “gratis” wat nooit gaan gebeur nie.

Doempie

As die regering minder geld verkwis het en hulself probeer verryk het, het baie meer Suud-Afrikaners al veilige behuising en geriewe gehad.

Robert Naude

Die anc regering moet die blaam vat vir hul onbevoegdheid en diefstal in hul tydperk van bewind.