Die ongelukstoneel. Foto: SAPD
Vyf kinders is Dinsdag in ʼn ongeluk buite Groblersdal in Limpopo dood.
Die ongeluk het omstreeks 14:00 op die R574 tussen Groblersdal en Mpudulle plaasgevind. Volgens brig. Motlafela Mojapelo, polisiewoordvoerder, het die bestuurder van ʼn Nissan NP200-bakkie beheer oor die voertuig verloor waarna die bakkie verskeie kere gerol het.
Vyf kinders, tussen 15 en 18 jaar oud, is op slag dood. Die bestuurder van die bakkie is beseer en na ʼn hospitaal geneem vir verdere mediese behandeling.
Die oorledenes, almal meisies, was leerders aan die A.M. Mashego Secondary School in Monsterlus. Die oorledenes is geïdentifiseer as Beauty Motsweni, Pearl Rakgalakane, Lucy Monareng, Chantel Monareng en Karabo Mogoaneng.
Mojapelo het gesê die leerders het glo by ʼn plaaslike vulstasie ʼn rygeleentheid gevra waarna die bakkiebestuurder hulle opgelaai het.
Die polisie ondersoek ʼn saak van strafbare manslag.
Dis verskriklik skokkend. Ek hoop hierdie bestuurders gaan tronk toe vir moordE.
Sterkte aan die ouers en familie.
Shoe dit is tragies en baie hartseer, sterkte aan die meisiekinders se ouers en geliefdes!
Dit is tragies. Ek is seker die bestuurder wou nie aspris die bakkie omgooi en hulle almal se lewens vat nie, so alle sterkte aan die meisies se families en ook aan die bestuurder.
Wat n verskriklike tragedie – Baie sterkte aan al die Families.
Dit is so ongelooflik hartseer. Baie sterkte aan al die families.
As Min. van Vervoer ernstig is oor padveiligheid, soos wat hy gereeld voorgee, sal daar ‘n totale verbod wees op vervoer van mense agterop bakkies, vragmotors ens.
Ek verstaan dit is teen die wet? Maar weereens is dit die regering wat hul eie mense in die steek laat, hoekom gaan kinders so ver skool dat hul saamry geleentheid moet vra om by die huis te kom?
Dan is daar die maatskappye se vervoer waarmee mense lekker rondry en mense optel. Besef hulle die implikasies as iemand verongeluk in jou drywer se bakkie of trok??
Nee, dit is ongelukkig nie teen die wet nie. Net onwettig as dit teen vergoeding gedoen word.
Hoekom was daar nie busvervoer, of ander veilige vervoer vir hierdie arme meisiekinders nie, Limpopo se Dept van Onderwys, het hulle gefaal, hulle en baie ander kinders moet elke dag onder lewensgevaarlike omstandighede by die skool kom ten terug, en kyk nou wat het met hulle gebeur….
Alki, ek stem saam. Aan die ander kant, busse, of liewer sommige busbestuurders is ook glad nie veilige bestuurders nie. Sterkte aan die families.
NP200 dus moed hul mos agter op die bak gesit het, hoop die bestuurder kry was hy toekom, behoort te weet dis teen die wet.
Min van Onderwys en Vervoer het julle gevaal… waar is die skoolbusse? te besig om rassehaat aan te por, as om iets te verrig wat lewenswaardes verbeter… Maak eerder n bydrae, as om kwaadwillig te wees…
Ai foeitog die bestuurder het hulle n saamry geleentheid gegee waarvoor hulle gevra het. Goedhartig gewees in nood. Toe gebeur daar n ongeluk …….. Baie sterkte aan die families en bestuurder. MOENIE vingers wys,,, dit kon jy gewees het
Wielie. Jy verwoord my gedagtes uitstekend. Skole is nie verantwoordelik vir vervoer nie. Eas nog nooit nie. Selfs voor 1994 was dit ouers en kinders se eie verantwoordelikheid. My eie kind ry elke dag fiets skool toe. Dit is die goedkoopste vervoermiddel.
Cyril sal seker DiE families besoek en vir die begrafnis betaal.
Ja Wielie ek stem 100% saam jou. dis n tragiese ongeluk en niks meer nie.
Die bestuurder wou net sy goeie daad vir die dag doen, so jammer om van hierde afsterwe te hoor. riv engel kindertjies.
Ongelukkig word die meeste vervoer afgebrand of as monopily gebruik in die onmgewing.
Die regering het lankal nie beheer oor staats vervoer en skole nie.
So jammer die kinders moet daaronder ly, my hart gaan uit vir julle.
Mense en verkeers owerhede moet wakker skrik. Die tipe ding gebeur daagliks. Ek ry werk toe met die N2 snelweg wat deur Somerset Wes en Strand loop. Daagliks kom bakkies en paneelwaens en selfs trokkies met die tipe cooler bokse op en hulle is vol , meestal oorvol van mense wat opgelaai word van Grabouw oor Sir Lowries Pas . Dis gewoonlik maatskappy afleweringvoertuie en ek glo nie eens die drywer het magtiging om mense op te laai nie.
Wat moet jy doen as jy nie vervoer het nie? Jy moet by winkels / bamk / apteek uitkom. Op n plaas ver van alles. Openbare vervoer is lagwekkend. Die trein stelsel staan meer as wat dit ry, Metro treine is so verniel. Busse ,,,, nie padwaardig nie
Die bestuurder is gevra en wou seker maar n goeie daad verrig deur hul n saamry geleentheid te gee en toe eindig dit so tragies, sterkte aan almal betrokke.
So vreeslik hartseer. Verwonderd ek onthou in my jare op skool het ons skoolvervoer gehad. Ek het op ‘n plaas groot geword en die skoolbus het ons elke dag kom haal en teruggeneem. Sterkte aan al die betrokke families.
Ek ry self ‘n NP-200. As jy 5 relatief groot persone agterin of agterop die bakkie het en jy ry en hulle spring rond, het jy min beheer oor die bakkie. Die voertuig is gemaak vir ‘n dooie vrag. Nie vir passasiers nie. Ek kan verstaan hoekom dit gebeur. Dieselfde met paneelwaens wat minibusse word. hulle is nie vir passasiers bedoel nie.
Willie hoe waar praat jy? Maar hartseer dat dit nie so gesien word nie.