Vyf sterf in gru-ongeluk in Krugersdorp

Die ongelukstoneel. Foto: @GTP_Traffstats/Twitter

Die ongelukstoneel. Foto: @GTP_Traffstats/Twitter

Vyf mense, waaronder drie kinders, is Saterdagaand dood in ʼn gru-ongeluk in Rant-en-Dal in Krugersdorp.

Chris Botha, woordvoerder van Netcare 911, het gesê die ongeluk het omstreeks 18:50 in Robert Broomstraat plaasgevind. “Die bestuurder van die motor het glo beheer verloor, waarna die motor die pad verlaat en teen ʼn boom gebots het.”

Volgens Botha het die motor in twee geskeur weens die slag. “Twee volwassenes en twee kinders is op die toneel dood verklaar.” Botha het gesê ʼn vierjarige seun is kritiek beseer in die botsing. Hy is op die toneel behandel voordat hy met ʼn helikopter na ʼn hospitaal geneem is. Hy het egter tydens die vlug aan sy beserings beswyk.

Die presiese oorsaak van die ongeluk word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Ana

Dit is tragies! Só jammer dat sulke dinge moet gebeur! Ons gebede is met die familie!

Steve

Motor in twee geskeur?
Weereens moes spoed n groot rol speel.

Xa

Dis baie hartseer dat daar mense is wat so vinnig jaag dat die kar in twee skeur, al is daar ander mense in die kar – seker die bestuurder se eie geliefdes, en ander mense in die pad wat ook kon seerkry of sterf. Ek ken nie die omstandighede waarom die persoon so n spoed gery het nie maar kanse dat daar n verskoning hier oor is is klein dink ek.

Herman Bosman

Eerstens, my innige simpatie met die family van die gesin wie se lewens so vinnig kort geknip is. Spoed het defnitief ‘n rol gespeel, want as die voertuig teen die spoedgrens gehou het, so die uitkoms soveel anders gewees het. Maar mense, wie van julle weet wat die rede was hoekom die man so vinnig gery het? Dalk was hy oppad met ‘n siek kind hospitaal toe, dalk was daar ‘n noodgeval iewers anders. Ons as mense is te vinnig om te oordeel en dis baie hartseer. Op die einde van die dag was dit die Here se wil. Kyk… Lees meer »

christine

Twee dele van tweekarre word na ongelukke gelas aan mekaar en gesluitverf DAAROM skeur dit weer in twee na n botsing