Vyf mense is dood na ʼn skietery in ʼn kroeg in Khayelitsha in die Wes-Kaap.
Lt.kol. André Traut, woordvoerder van die polisie, sê ʼn man het Saterdagaand na ʼn argument op mense in die kroeg losgebrand. “Drie mense is op die toneel dood terwyl twee mense Sondag in die hospitaal aan hul beserings beswyk het.” Traut sê nog twee mense is gewond en word in die hospitaal behandel. Die skieter het gevlug en word steeds deur die polisie gesoek.