Vyf vas ná hul vragmotor glo kaap

Van die goedere waarop beslag gelê is. Foto: Verskaf.

Vyf verdagtes is Maandag in die Wes-Kaap in hegtenis geneem in verband met ʼn vragmotor wat Maandagoggend in La Belle-weg in Bellville gekaap is.

Sers. Noloyiso Rwexana, woordvoerder van die polisie, het gesê die polisie het onmiddellik inligting wat hulle oor die gekaapte vragmotor ontvang het, opgevolg.

“Volgens ons inligting was daar sigarette, drank, klere en selfone op dié vragmotor,” het Rwexana gesê.

Die vragmotor is volgens Rwexana in Khayelitsha opgespoor met goedere ter waarde van R300 000 daarin.

Die vyf verdagtes, vier mans en een vrou, almal tussen 20 en 27, sal binnekort in die Khayelitsha-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

7 Kommentare

MM ·

Kry borgtog en dan doen hulle dit maar net weer – maak net seker hullw ord nie weer gevang nie – Ja 4+1=5 – Maroela Media

Dalene de Vente ·

Dagsê MM

Dankie vir jou valkoog. Ons vra om verskoning vir die oorsig, die berig is reeds gewysig.

Groetnis
Dalene
nms. Maroela Media

Robert ·

@ Pieter: ongelukkig het hulle nie vir jou gehad om te tel nie. ek dink jy moet maar ‘n verslaggewer word dan wys jy hulle.

Leahim ·

Vergeet van die wiskunde maar hierdie raak nou n algemene ding so paar weke gelede op carte blanche gesien en die rekening van die verliese word deur die gebruiker betaal.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.