Vyf vas ná wrede aanval op Noordwes-egpaar

Argieffoto: SAPD

Argieffoto: SAPD

Vyf mans is in hegtenis geneem nadat ʼn bejaarde egpaar verlede week in hul huis in Rustenburg, Noordwes, aangeval en die man vermoor is.

Sers. Ofentse Mokgadi, woordvoerder van die polisie, het gesê die vyf mans, tussen die ouderdomme van 23 en 27 jaar, is Vrydag by die Ikemeleng- informele nedersetting in Kroondal in hegtenis geneem.

Volgens Mokgadi het ʼn egpaar verlede Sondagaand in hul huis in Waterfall Village wakker geword van honde wat blaf. Die man het uitgestap om ondersoek te gaan instel. Toe hy geruime tyd later nog nie teruggekeer het nie, het die vrou uitgegaan om na hom te gaan soek.

“Sy het gesien hoe haar man met twee onbekende mans baklei en het geskree om hulp terwyl sy terug die huis in gehardloop het,” het Mokgadi gesê. Die verdagtes het egter die eetkamervenster stukkend geslaan om toegang tot die huis te verkry.

“Hulle het die deur oopgemaak en die liggaam van die man in die huis ingesleep. Die verdagtes het daarna die vrou met ʼn pistool aangerand voordat hulle haar verkrag het,” het Mokgadi gesê.

“Hulle het die kluis se sleutels geëis en sy het dit oorhandig. Hulle het ʼn vuurwapen, juweliersware, ʼn televisiestel, klere en ʼn onbekende bedrag kontant geroof voordat hulle die vrou vasgebind het en te voet gevlug het.”

Mokgadi kon nie onmiddellik die oorsaak van die man se dood bevestig nie.

Volgens Mokgadi is die egpaar se pistool en die juweliersware in die verdagtes se besit gevind toe hulle in hegtenis geneem is. ʼn Tweede ongelisensieerde vuurwapen is ook in hul besit gevind. Die ander gesteelde items was glo reeds verkoop.

Volgens die polisie word daar vermoed dat die vyf verdagtes, wat almal Zimbabwiërs is, verbind kan word met verskeie ander voorvalle van roof en verkragting in die Kroondal-omgewing. Daar word tans ondersoek ingestel om te bepaal of dit wel die geval is.

Die verdagtes sal môre in die Rustenburg-landdroshof verskyn op aanklagte van moord, verkragting, huisbraak, die besit van gesteelde goedere en die onwettige besit van vuurwapens en ammunisie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

44 Kommentare

jongste oudste gewildste
Bella

Dus tyd dat die regering die doodstraf terug bring in Suid Afrika.

tom

Dis alles zuma se skuld dat hulle al die onwettiges toelaat in die land ek wonder wat is hulle idee daar deer word ons uit gemoor hier is seker 40miljoen onwettiges in die land

Niel

Dan gaan mense tekere oor Trump die tipe elemente uit Amerika wil hou en die liberale maak vreeslik bohaai!! Hoekom hoor mens eers n week na die tyd van dit? Behalwe vir babaarsgeid is dit ook na my mening n ras gedrewe voorval maar die media sal dit nie so in sien nie…

Liewe heksie

Ek is seker daarvan dat sapd hul elkeen R500 gee vir belonging slaapplek vir n aand of twee en n klop op die skouer hul werk saam eff en anc

Jan Jooste

Neem kennis dat die verdagtes almal Zimbabwiers is. Daar is soveel Afrikaners wat tog te graag die mense in diens neem, onder andere al wat ‘n restaurant of gastehuis is.