Paul Daphne, woordvoerder van SANParke, het gesê die vyf is in Tshokwane in hegtenis geneem na ʼn gesamentlike operasie met die polisie. Hy het gesê twee voertuie, wat vermoedelik gebruik is vir renosterstropery in die wildtuin, is voorgekeer en deursoek.
Volgens Daphne is daar op ʼn .375-jaggeweer, ʼn knaldemper, ammunisie en ander toerusting wat vir stropery gebruik word beslag gelê. “Dit is ‘n duidelike aanduiding van die samehorige uitwerking van die nasionale gesamentlike operasionele en intelligensie-struktuur (Natjoints) en dat samewerking en gesamentlike operasies noodsaaklik is as ons die kriminele-sindikate wil verslaan,” het hy gesê.
Volgens Daphne is daar sedert die begin van die jaar reeds 104 mense in die wildtuin in hegtenis geneem in verband met stropery-aktwiteite.